وپپوزيتسييالىق ساياساتكەر الەكسەي ناۆالنىيمەن بٸر تٷرمەدە وتىرعان ناريمان وسمانوۆ پەن ەۆگەنيي بۋراك "دوجد" تەلەارناسىنا وپپوزيتسيونەرگە قاماۋدا قالاي قىسىم كٶرسەتٸلگەنٸ تۋرالى ايتىپ بەردٸ, دەپ حابارلايدى ازاتتىق.
وسمانوۆتىڭ سٶزٸنە قاراعاندا, كولونيياداعى وترياد ناۆالنىيعا قىسىم كٶرسەتۋ ماقساتىندا ارنايى جاساقتالعان. وتريادتاعىلاردىڭ بەرٸنە ناۆالنىيمەن سٶيلەسپەۋدٸ, ونىڭ ەربٸر قادامىن جازىپ وتىرۋدى الدىن الا ەسكەرتكەن.
ەۆگەنيي بۋراكتىڭ "دوجد" تەلەارناسىنا بايانداۋىنشا, كولونييادا كەم دەگەندە ون ادام ناۆالنىيدى اڭدىپ, ٷنەمٸ تٶڭٸرەگٸندە جٷرگەن. ساياساتكەر ەجەتحاناعا بارعان ۋاقىتتا دا سوڭىنان قالماعان. ولار ٷنەمٸ وپپوزيتسيونەردٸ ارانداتۋمەن بولعان. الايدا ناۆالنىي ولاردىڭ ارانداتۋشىلىق ەرەكەتٸنە كٶنبەگەن.
وسمانوۆتىڭ ايتۋىنشا, كولونييادا ناۆالنىيدى جازاسىن ٶتەۋشٸلەر الدىندا جاماناتتى ەتۋ ماقساتىندا فيلم كٶرسەتٸلگەن. "بۇل دەرٸستٸ مەكەمەدەگٸلەردٸڭ بەرٸنە كٶرسەتكەن. فيلمدەگٸ باستى وي - ونىڭ [ناۆالنىيدىڭ] دەستٷرلٸ ەمەس جىنىستىق كٶزقاراستا ەكەنٸنە سەندٸرۋ", – دەيدٸ وسمانوۆ. ونىڭ ايتقاندارىن ەۆگەنيي بۋراك تا راستادى.
وسمانوۆ ساياساتكەردٸڭ كولونييادا اشىققانى تۋرالى دا ايتىپ بەردٸ. اشىعۋ كەزٸندە ناۆالنىيدىڭ قاسىنا تۋبەركۋلەزبەن اۋىرادى دەلٸنگەن بٸر ادامدى ورنالاستىرعان, بٸراق ونىسى ٶتٸرٸك بولىپ شىققان. كٷندەردٸڭ بٸرٸندە كولونيياعا جارتى قاپ شۇجىق الىپ كەلٸپ, ناۆالنىيدىڭ ساعىن سىندىرۋ ٷشٸن شۇجىقتى قۋىرعان.
وپپوزيتسييالىق ساياساتكەر الەكسەي ناۆالنىي بيىل قاڭتاردا گەرمانييادان رەسەيگە ورالعان ۋاقىتتا ۇستالدى. ونى بىلتىر تامىزدا گەرمانيياعا "نوۆيچوكپەن" ۋلانعان ۋاقىتتا ۇشاقپەن جەتكٸزگەن. ناۆالنىي ٶزٸن رەسەي فەدەرالدىق قاۋٸپسٸزدٸك قىزمەتٸنٸڭ قىزمەتكەرلەرٸ ۋلادى دەپ سانايدى. 2 اقپاندا سوت ساياساتكەردٸ ۆلاديمير وبلىسى پوكروۆ قالاسىنداعى كولونيياعا جٸبەردٸ.
31 ناۋرىزدا ناۆالنىي اشتىق جارييالاپ, ٷش اپتا بويى تاماق ٸشپەدٸ. ول كولونيياعا تەۋەلسٸز دەرٸگەرلەردٸ جٸبەرۋدٸ تالاپ ەتتٸ.
ادام قۇقىقتارىن قورعاۋشىلار, بٸرنەشە ەلدٸڭ بيلٸگٸ, نوبەل سىيلىعىنىڭ يەگەرلەرٸ مەن ەلەم جۇلدىزدارى ناۆالنىيعا اراشا تٷستٸ. ساياساتكەردٸ قولداۋشىلاردىڭ نارازىلىق اكتسييالارى رەسەي مەن ەلەمنٸڭ ونداعان قالاسىندا ٶتتٸ. رەسەيدەگٸ اكتسييا كەزٸندە مىڭعا جۋىق ادام ۇستالدى.
