بورىشكەرلەر شاعىمدانۋ قۇقىعىن كٶبٸنە تەرٸس پايدالانادى. بۇل تۋرالى بٷگٸن مەجٸلٸستەگٸ ٷكٸمەت ساعاتىندا ەدٸلەت مينيسترٸ قانات مۋسين ايتتى, دەپ حابارلايدى قازاقپارات.
«بٷگٸنگٸ تاڭدا زاڭ بويىنشا جەكە سوت ورىنداۋشىنىڭ ەرەكەتتەرٸ مەن شەشٸمدەرٸنە تەك سوت ارقىلى شاعىمدانۋعا بولادى. مۇنداي سوت داۋلارى بارلىق ساتىلاردى قوسا العاندا 11 ايعا دەيٸن سوزىلۋى مٷمكٸن. بۇل رەتتە سوتتىڭ نەگٸزگٸ شەشٸمٸ ورىندالماي جاتا بەرەدٸ. ادامدار سوت ٶزدەرٸنٸڭ پايداسىنا ٶندٸرٸپ بەرگەن نەرسەنٸ الا المايدى. بورىشكەرلەر شاعىمدانۋ قۇقىعىن كٶبٸنە تەرٸس پايدالانادى جەنە ونىڭ ورىنداۋ پروتسەسٸن سوزۋ ٷشٸن پايدالانادى. وسى ۋاقىت ٸشٸندە ولار مٷلٸك پەن اقشانى جاسىرادى», - دەدٸ مينيستر.
ونىڭ اتاپ ٶتۋٸنشە, سوت تەجٸريبەسٸندە جەكە سوت ورىنداۋشىلارىنا قاتىستى 200-گە جۋىق تالاپ-ارىز تاتۋلاسۋمەن نەمەسە مىڭنان استام تالاپ-ارىز قايتارىپ الۋمەن اياقتالعان.
«داۋ سوتقا دەيٸن ٶڭٸرلٸك پالاتالار دەڭگەيٸندە شەشٸلۋدە. مۇنداي تەجٸريبەنٸ جارييا ەتۋ جەنە ٶڭٸرلٸك پالاتالارىنىڭ لاۋازىمدى ادامدارىنا جەكە سوت ورىنداۋشىلارىنىڭ شەشٸمدەرٸن جويۋ جٶنٸندە ٶكٸلەتتٸكتەر بەرۋ قاجەت دەپ ويلايمىز. بۇل داۋلاردى قاراۋ ۋاقىتىن قىسقارتادى جەنە تاراپتاردىڭ قۇقىقتارىن قورعاۋعا وڭ ەسەر ەتەدٸ», - دەدٸ قانات مۋسين.
