11 قاڭتار كٷنگٸ بوران سالدارىنان ەلوردادا 26 تۇرعىن ٷيگە زاقىم كەلدٸ. بۇل تۋرالى استانا قالاسى ەكٸمٸنٸڭ باسپاسٶز حاتشىسى ەلۆيرا جٷرگەنباەۆا ايتتى, دەپ حابارلايدى قازاقپارات.
«كەشە اۋا رايىنىڭ قولايسىزدىعىنا بايلانىستى استانا قالاسىنىڭ ەكٸمٸ ەسەت يسەكەشەۆ تٶتەنشە جاعداي جارييالاعان بولاتىن. جارييالانعان تٶتەنشە جاعداي بٷگٸن توقتاتىلدى. استانا قالاسى بويىنشا 26 تۇرعىن ٷي كەشەنٸ زاقىمداندى. اتاپ ايتقاندا, الماتى اۋدانىندا 4, سارىارقا اۋدانىندا 8 جەنە ەسٸل اۋدانىندا 14 تۇرعىن ٷيگە زاقىم كەلدٸ. ياعني قاسبەتتەرٸ ۇشىپ, تەرەزەلەرٸ سىنعان», - دەدٸ ول.
ە.جٷرگەنباەۆانىڭ سٶزٸنە قاراعاندا, بوران سالدارىنان 4 مەكتەپ, 3 بالاباقشا ايتارلىقتاي بٷلٸنگەن. سونىمەن قاتار س.سەيفۋلين اتىنداعى قازاق اگروتتەحنيكالىق ۋنيۆەرسيتەتٸنٸڭ شاتىرى جارتىلاي ۇشىپ كەتٸپ, بٸراز شىعىن كەلتٸرگەن.
«قازٸرگٸ ۋاقىتتا شىعىنداردى ورنىنا كەلتٸرۋ جۇمىستارى جٷرگٸزٸلۋدە. مۇنان بٶلەك 16 ايالداما بٷلٸنٸپ, 131 باعدارشام ورنىنان قوزعالىپ كەتتٸ.
پەتەر يەلەرٸ كووپەراتيۆتەرٸمەن جەنە تۇرعىندارمەن اۋدان ەكٸمدەرٸ تىعىز جۇمىس جاساۋدا. كەلتٸرٸلگەن شىعىندار ەسەپتەلۋدە», - دەدٸ ەلوردا ەكٸمٸنٸڭ باسپاسٶز حاتشىسى.
ونىڭ دەرەگٸنشە, 2 كٷننٸڭ ٸشٸندە 82 مىڭ تەكشە مەتر قار قالا سىرتىنا شىعارىلدى. قار تازالاۋ جۇمىستارىنا 2 مىڭنان استام جۇمىسشى, 2600 ارنايى تەحنيكا جۇمىلدىرىلدى.
