تانىمال قازاق ەنشٸسٸ, "ۇلىتاۋ" توبىنىڭ پروديۋسەرٸ قىدىرەلٸ بولمانوۆ جان احماديەۆتٸڭ قىزداردى ساباعانىنا قارىستى پٸكٸر بٸلدٸرٸپ, قازاقستاندا تالقىلانۋعا تيٸس باسقا دا پروبلەمالار كٶپ ەكەنٸن ايتتى, دەپ جازادى sputniknews.kz.
رەپەردٸڭ بۇل ەرەكەتٸ تۋرالى سٶز قوزعاعان بولمانوۆ ەر ادامنىڭ ٶز ويىن ورتاعا سالعىسى كەلەتٸنٸن اتاپ ٶتٸپ, احماديەۆتٸڭ نە ايتقىسى كەلگەنٸن قوعام تٷسٸنبەگەن شىعار دەپ پايىمدادى.
سونىمەن قاتار, پروديۋسەردٸڭ ايتۋىنشا, قازٸر "حايپ" دەگەن جالعان اتاق ٷشٸن بارىن سالاتىندار دا جەتٸپ ارتىلادى.
"بۇل بٸزگە جاھاندىق جەلٸدەن كەلٸپ وتىرعان ٷردٸس. كٶپشٸلٸك تەز تانىمال بولىپ, ٶزٸن تانىتقىسى كەلەدٸ, مۇنى جاقسى دٷنيە دەپ ايتا المايمىن. بٸرەۋدٸ "تٷزەتۋ" ٷشٸن ەشقاشان قولىما قامشى الماس ەدٸم", — دەدٸ بولمانوۆ.
