قر اقپارات جەنە قوعامدىق دامۋ ۆيتسە-مينيسترٸ بولات تٸلەپوۆ ٷكٸمەتتٸك ەمەس ۇيىمدار جۇمىسىنداعى باسىم باعىتتاردى اتادى, دەپ حابارلايدى قازاقپارات.
«ەل-جۇرتىمىزدىڭ تۇرمىسىن جاقسارتىپ, ٶمٸر ساپاسىن كٶتەرۋ ٸسٸندە ازاماتتىق كٷشتەردٸڭ ٷلەسٸ دە, سالماعى دا ەرەكشە. ال ەندٸ ٶمٸر ساپاسى دەگەنٸمٸزدٸڭ ٶزٸ جيناقتاپ ايتقاندا ەربٸر وتباسىنىڭ مولشىلىق پەن بەرەكەلٸ تۇرمىسى, مىقتى دەنساۋلىعى, بالالارىنىڭ ساپالى بٸلٸم مەن جاقسى تەلٸم-تەربيەسٸ, قاۋٸپسٸزدٸگٸ مەن قولايلى قورشاعان ورتاسى. بۇل رەتتە ەرينە, بٸرقاتار باسىم, ماڭىزدى باعىتقا بەرگەن دۇرىس. بٸزدٸڭ ويىمىزشا, بٸرٸنشٸدەن - بٸلٸم بەرۋدٸڭ ساپاسىن ارتتىرۋ مەن تەربيە ٸسٸن جەتٸلدٸرۋ. ايتالىق, مەكتەپ جاسىنداعى بالالاردىڭ اراسىندا سالاۋاتتى ٶمٸر سالتىن ناسيحاتتاۋ, تەن مەن جان ساۋلىعىن قامتاماسىز ەتۋ, كەسٸپتٸك باعىت بەرۋ, ولاردىڭ بيٸك رۋحاني كەلبەتٸن قالىپتاستىرۋ جەنە تاعى دا باسقا كٶپتەگەن تاقىرىپ قوعامدىق ۇيىمدار ٷشٸن ەرەكشە دەن قويىپ, ماقساتتى شارالار جٷرگٸزەتٸن دٷنيەلەر», - دەدٸ بولات تٸلەپوۆ «تەۋەلسٸزدٸكتٸڭ 30 جىلدىعىن ٶتكٸزۋدەگٸ ازاماتتىق سەكتوردىڭ رٶلٸ» تاقىرىبىندا ٶتكەن كەزدەسۋ بارىسىندا.
ۆيتسە-مينيستردٸڭ ايتۋىنشا, ەكٸنشٸدەن, دەنساۋلىق ساقتاۋ مەن مەديتسينالىق قىزمەتتٸڭ ساپاسىن ارتتىرۋ باعىتى بويىنشا ونىڭ قولجەتٸمدٸلٸگٸن ارتتىرۋ, مەديتسينالىق ساقتاندىرۋ مەسەلەسٸن ناسيحاتتاۋ, جالپى پاندەمييا سيياقتى قوعامدىق ٸندەتتەرگە قارسى تۇرۋ, تٷرلٸ پسيحولوگييالىق كەڭەس بەرۋ ورتالىقتارىنىڭ جۇمىسىن ۇيىمداستىرۋ تاقىرىبىنداعى جوبالار ٶزەكتٸ.
«ٷشٸنشٸدەن, حالقىمىزدىڭ سالاۋاتتى ٶمٸرٸن جاپپاي جاقسارتۋ ٸسٸندە تەن ساۋلىعى تەك سپورت, دەنە شىنىقتىرۋ عانا ەمەس, رۋحاني ٶمٸردٸڭ تازالىعى, تٸل مەن دٸن, مەدەنيەت پەن ەدەبيەت, سالت پەن دەستٷر مەسەلەلەرٸ العا شىعادى. ەرينە, بۇل جالپى مەسەلەلەر. دەسەك تە, بۇل جۇمىستىڭ قاي-قايسىسىن الساڭ دا نەتيجەسٸن ٶزدەرٸڭٸز سيياقتى كٶزٸ اشىق, كٶكٸرەگٸ ويۋ, بٸلٸمٸ كەڭ, بٸلٸگٸ مول ازاماتتار مەن ۇيىمدارسىز كٶزگە ەلەستەتۋ مٷمكٸن ەمەس», - دەدٸ ول.
