پرەزيدەنتتٸك كادرلىق رەزەرۆكە ەنگەن جاستاردىڭ بٸرٸ – قاراعاندىلىق ۇلىبەك قيمانوۆ. «بولاشاق» باعدارلاماسى بويىنشا اقش-تا وقىپ كەلگەن ازامات قازاقپارات تٸلشٸسٸنە نە ٷشٸن كادرلىق رەزەرۆكە ٶتٸنٸم بەرگەنٸن ەڭگٸمەلەپ بەردٸ.
جاسى وتىزدان اسقان ۇلىبەك قيمانوۆ وسىدان ون جىل بۇرىن «بولاشاق» باعدارلاماسى بويىنشا اقش-تىڭ اريزون مەملەكەتتٸك ۋنيۆەرسيتەتٸن قالالىق جوبالاۋ بويىنشا باكالاۆرىن بٸتٸرگەن. وسىدان كەيٸن بٸلٸمٸن ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸندە قۇرىلىس سالاسى بويىنشا ماگيسترلٸك بٸلٸم العان. 2013-2016 جىلدارى نازارباەۆ ۋنيۆەرسيتەتٸندە جوبالاردى باسقارۋ كەڭسەسٸندە ەڭبەك ەتسە, ودان سوڭ «Talan Towers» كومپانيياسىندا قۇرىلىس الاڭدارىن باسقارعان. تاعى ەكٸ جىل «كاسكاد» بيزنەس-ورتالىعىندا باسشىلىق قىزمەتتە بولعان. ەلورداداعى مەڭگٸلٸك ەل قاقپاسى, بوتانيكالىق باق جوبالارىن جاساۋدا اتسالىسقان.
«پرەزيدەنتتٸك كادرلىق رەزەرۆكە ٶتكەننەن كەيٸن وبلىستاردان بٸرشاما ۇسىنىس تٷسٸپ جاتىر. اتاپ ايتقاندا, شىعىس قازاقستان, تٷركٸستان, قوستاناي, قاراعاندى وبلىستارىنداعى ەكٸمدٸكتٸڭ قۇرىلىمدارىنان جۇمىس ۇسىنىلدى. ماماندىعىما ساي قۇرىلىس باسقارماسىنا, كەي ٶڭٸردٸڭ ٸشكٸ ساياسات باسقارماسىنا شاقىرىلدىم. سونىمەن بٸرگە, نۇر-سۇلتان قالاسى مەن ۇلتتىق بانكتەن بٸر ۇسىنىستان كەلدٸ. جاقىندا «استانا لرت» كومپانيياسىنىڭ باسشىسىمەن كەزدەستٸم. ۇلتتىق بانك باسشىسىمەن دە كەزدەسۋدٸ كٷتٸپ جٷرمٸن. قالعان ۇسىنىستار بويىنشا ويلانىپ كٶرسەم دەيمٸن. ەر ۇسىنىستىڭ مەن ٷشٸن ماڭىزى زور», - دەيدٸ ول.
ۇلىبەك قيمانوۆ تٷپكٸلٸكتٸ شەشٸم قابىلداۋ ٷشٸن ويلانىپ جٷرگەنٸن ايتادى.
«پرەزيدەنتتٸك كادرلىق رەزەرۆ تۋرالى العاش اقپاراتتى ەستٸگەن كەزدە مەملەكەت باسشىسىنىڭ يدەياسى بٸردەن كٶڭٸلٸمنەن شىعىپ, كٶپ ويلانباي تاپسىرىپ كٶرۋدٸ جٶن دەپ شەشتٸم. ەگەر سالالىق جوبالارعا اتسالىسۋعا مٷمكٸندٸك تۋىپ جاتسا, مەملەكەتكە پايدالى بولا السام, وندا ەلبەتتە, بۇل جولدا قىزمەت ەتكٸم كەلەدٸ. سەبەبٸ, قازٸر جەكە سەكتوردا ەڭبەك ەتەمٸن. 10 جىلدىق تەجٸريبەمدٸ, بٸلٸم-بٸلٸگٸمدٸ مەملەكەتتٸك جوبالارعا جۇمساي الامىن. سول سەبەپتٸ, مەملەكەتتٸك قىزمەتتە ەڭبەك ەتۋگە نيەتتٸمٸن», - دەدٸ ۇلىبەك قيمانوۆ.
ەسكە سالا كەتسەك, وسىدان بٸرنەشە كٷن بۇرىن اقوردادا مەملەكەت باسشىسى قاسىم-جومارت توقاەۆ پرەزيدەنتتٸڭ كادر رەزەرۆٸنە ەنگەن 300 جاسپەن كەزدەسۋ ٶتكٸزگەن بولاتىن. جيىندا قاسىم-جومارت توقاەۆ ەل جاستارىنا ٷندەۋ جولدادى.
.jpeg)