© Sputnik / ۆلاديسلاۆ ۆودنەۆ
2023 جىلدان باستاپ شەتەلدٸك ۋنيۆەرسيتەت, جۇمىس بەرۋشٸ نەمەسە ۇيىم تاراپىنان اكادەمييالىق وقۋعا گرانتى بار «بولاشاق» باعدارلاماسىنىڭ ستيپەندياتتارى ٷشٸن مٸندەتتٸ ەڭبەكپەن ٶتەۋ مەرزٸمٸ بٸر جىلعا قىسقارتىلدى, دەپ حابارلايدى "ۇلت اقپارات" حالىقارالىق باعدارلامالار ورتالىعى باسپاسٶز قىزمەتٸنە سٸلتەمە جاساپ.
«بيىل «بولاشاق» ستيپەنديياسى اياسىندا ٷمٸتكەرلەردٸ ٸرٸكتەۋ قاعيدالارى جەتٸلدٸرٸلدٸ. ەندٸ كونكۋرسقا شەتەلدٸك جوعارى وقۋ ورنى نەمەسە ۇيىم تاراپىنان اكادەمييالىق وقۋعا گرانتى بار ٷمٸتكەرلەر دە قاتىسا الادى. مۇنداي تٷلەكتەر ٷشٸن استانا, الماتى جەنە شىمكەنت قالالارىندا ەڭبەكپەن ٶتەۋ مەرزٸمٸ بەس جىلدان تٶرت جىلعا, ٶڭٸرلەردە – ٷش جىلدان ەكٸ جىلعا قىسقارتىلادى», - دەيدٸ «حالىقارالىق باعدارلامالار ورتالىعى» اق باسقارما تٶراعاسى ەنۋار جانعوزين.
سونداي-اق ول «بولاشاق» باعدارلاماسى تۇرۋ, تاماقتانۋ, مەديتسينالىق ساقتاندىرۋ, ۇشۋ, ۆيزالىق الىمدار, وقۋ ماتەريالدارىن ساتىپ الۋ شىعىندارىن ٶتەيتٸنٸن اتاپ ٶتتٸ. بۇل - قازاقستاندىقتاردىڭ مٷمكٸندٸكتەرٸن ارتتىرادى, سونىمەن قاتار بيۋدجەت قاراجاتىن ايتارلىقتاي ٷنەمدەيدٸ.
جەتەكشٸ شەتەلدٸك جوو-دا وقۋعا گرانتى بار ٷمٸتكەرلەر «بولاشاق» باعدارلاماسىنىڭ كونكۋرسىنا قاتىسۋ ٷشٸن شەتەلدٸك ۋنيۆەرسيتەتكە ٶتەۋسٸز نەگٸزدە قابىلدانعانىن راستايتىن قۇجاتتاردىڭ كٶشٸرمەلەرٸن ۇسىنۋى تيٸس. گرانت بٷكٸل وقۋ كەزەڭٸ ٸشٸندە اكادەمييالىق وقۋ اقىسىن ٶتەۋٸ كەرەك.
