بٷگٸن يوردانييانىڭ اممان قالاسىندا ٶتٸپ جاتقان بوكستان وليمپياداعا ٸرٸكتەۋ تۋرنيرٸندە ەرلەر اراسىندا 63 كەلٸ سالماقتا زەكٸر سافيۋللين شارشى الاڭعا شىعىپ, العاشقى جەكپە-جەگٸن جەڭٸسپەن باستادى, دەپ حابارلايدى "ۇلت اقپارات".
ول العاشقى كەزدەسۋدٸ قىتاي بوكسشىسى جانگ شانمەن ٶتكٸزٸپ, قارسىلاسىن جارىس جولىنان تايدىردى.
وسىلايشا, عالىمبەك كەنجەباەۆ باپتايتىن بوكسشىلار العاشقى جەكپە-جەكتەرٸن جەڭٸسپەن باستادى.
ەندٸ ساناۋلى مينۋتتاردان كەيٸن 81 كەلٸ سالماقتا سىنعا تٷسەتٸن بەكزات نۇردەۋلەتوۆ شارشى الاڭعا شىعادى. ول جاڭا زەلاندييا ٶكٸلٸ جەروم پومپەللونەگە قارسى شىعادى. سونداي-اق, كەشكٸ سەسسييادا تاعى بٸر بوكسشىمىز 75 كەلٸ سالماقتا ەبٸلحان امانقۇل وليمپيادا جولداماسىنا تالاستى باستايدى.
ەستەرٸڭٸزگە سالا كەتەيٸك, كەشە ەيەلدەر بوكسىنان شارشى الاڭعا شىققان قازاقستاندىق ەكٸ سپورتشى قارسىلاستارىنا جول بەرٸپ, جولدامادان تىس قالدى. تۋرنيردە وليمپيادا ويىندارىنا بارلىعى 63 ليتسەنزييا ٷلەستٸرٸلەدٸ.
