قازاقستاندىق بوكسشى ۆاسيليي لەۆيت شەشەنستان رەسپۋبليكاسىنىڭ استاناسى گروزنىيدا ٶتكەن حالىقارالىق تۋرنيردە چەمپيون اتاندى, دەپ حابارلايدى قازاقپارات تٸلشٸسٸ.
قوستانايلىق بوكسشى 91 كەلٸ سالماقتا كٷش سىناستى. بٸرٸنشٸ جەكپە-جەگٸندە رەسەيلٸك نازاربەك شاميلوۆتى ۇتتى. مۇنان سوڭ ول رينگ يەسٸ سايحان باكاەۆتان باسىم تٷسٸپ, فينالعا شىقتى.
«التىن» ٷشٸن تالاستا لەۆيتكە رەسەيلٸك شاميل مانسۋروۆ قارسى تۇردى. الايدا, تەجٸريبەلٸ قازاقستاندىق قارسىلاسىن نەبەرٸ ەكٸنشٸ راۋندتا نوكدۋانعا جٸبەردٸ. كەزدەسۋ ۆاسيليي لەۆيتتٸڭ پايداسىنا شەشٸلدٸ.
«گروزنىيدا احمات-حادجي كادىروۆتىڭ قۇرمەتٸنە ارنالعان حالىقارالىق بوكس تۋرنيرٸ اياقتالدى. مەن ٷش كەزدەسۋ ٶتكٸزٸپ, قۋانىشىما وراي, بارلىعىندا جەڭٸسكە جەتتٸم. قۇتتىقتاۋلارىڭىز بەن قولداۋلارىڭىز ٷشٸن راحمەت», - دەپ جازدى بوكسشى Instagram-داعى پاراقشاسىندا.
