بوكستان ەلەم چەمپيونى تەمٸرتاس جٷسٸپوۆكە كٶكشەتاۋدا پەتەر كٸلتٸ جەنە اقشالاي سەرتيفيكات تاپسىرىلدى, دەپ حابارلايدى قازاقپارات وبلىستىق دەنە شىنىقتىرۋ جەنە سپورت باسقارماسىنىڭ باسپاسٶز قىزمەتٸنە سٸلتەمە جاساپ.
اقمولا وبلىسىنىڭ ەكٸمٸ ەرمەك مارجىقپاەۆ قۇتتىقتاۋ سٶزٸندە وبلىستا سپورت دەستٷرٸ مىقتى ەكەنٸن جەنە سپورت قوزعالىسىن دامىتۋ ٷشٸن كٶپ نەرسە جاسالىپ جاتقانىن اتاپ ٶتتٸ.
«بٸز اقمولالىقتار تەمٸرتاستىڭ جەڭٸسٸن ماقتان تۇتامىز! بۇل ەرەكشە جەڭٸس. بۇل ەرلەر اراسىنداعى ەلەم چەمپيوناتىندا اقمولا وبلىسىنىڭ العاشقى التىن مەدالٸ.تەمٸرتاس تەجٸريبەلٸ سپورتشى. وسى جوعارى ماراپاتقا جەتۋ جولىندا ول ەسكەري قىزمەتكەرلەر اراسىندا ەكٸ رەت ەلەم چەمپيوناتتارىن جەڭٸپ الدى. بۇل جەڭٸستەردٸڭ لايىقتى نەتيجەسٸ ەلەم چەمپيوناتىنىڭ التىن مەدالٸ بولدى», - دەدٸ ەرمەك مارجىقپاەۆ.
تەمٸرتاس جٷسٸپوۆتٸڭ ەلەم چەمپيونى مەدالٸ تەۋەلسٸزدٸكتٸڭ 30 جىلدىعىندا تەك اقمولالىقتار ٷشٸن عانا ەمەس, بٷكٸل ەلٸمٸز ٷشٸن ەرەكشە سىي بولدى.
ايماق باسشىسى جەڭٸمپازعا پەتەر كٸلتٸن جەنە اقشالاي سەرتيفيكاتتى تابىس ەتسە, ال ونىڭ جەكە جاتتىقتىرۋشىسى قۋانىشباي قوقىشەۆتٸڭ ەرەكشە ەڭبەگٸ مەن جوعارى كەسٸبيلٸگٸن اتاپ ٶتتٸ. سونداي-اق وعان دا اقشالاي سەرتيفيكات تاپسىرىلدى.
ەسكە سالا كەتسەك, بەلگرادتا (سەربييا) ٶتكەن XXI ەلەم چەمپيوناتىندا اقمولالىق بوكسشى 48 كەلٸگە دەيٸنگٸ سالماق دەرەجەسٸندە جەڭٸسكە جەتتٸ. شەشۋشٸ جەكپە-جەكتە ول تايلاند ٶكٸلٸ ۆۋتتيچاي يۋراچايدى جەڭدٸ.
