پولشانىڭ كەلتسە قالاسىندا ٶتٸپ جاتقان جاستار اراسىنداعى ەلەم چەمپيوناتىندا ەرلەر اراسىندا قازاقستاندىق 5 بوكسشى جارتىلاي فينالعا جولداما الدى, دەپ حابارلايدى "ۇلت اقپارات" قازاقستان بوكس فەدەراتسيياسىنا سٸلتەمە جاساپ.
بۇل ەلٸمٸزدٸڭ بىلعارى قولعاپ شەبەرلەرٸنٸڭ كەم دەگەندە قولا مەدال يەلەنۋٸنە مٷمكٸندٸك جاسايدى. قازاقستان قۇراماسىنىڭ الدىندا تەك رەسەي تۇر.
ايتا كەتەيٸك, شيرەك فينالدا قازاقستاندىق 10 بوكسشى سايىسقا تٷسكەن بولاتىن. ولاردىڭ اراسىنان تەك بەسەۋٸ جارىستى جالعاستىرۋعا مٷمكٸندٸك الدى. ال رەسەيدە - 7, ٷندٸستان, ۋكراينا مەن ٶزبەكستاندا - 4, كۋبادا - 3, بولگارييادا - 2, موڭعولييا, يتالييا, كولۋمبييا, قىرعىزستان, برازيلييا, ۆەنگرييا, ارمەنييا, پولشا, ەزەربايجان, چەرنوگورييا مەن جاپونييادا - 1 بوكسشى ەندٸ جارتىلاي فينالدا شارشى الاڭعا شىعادى.
ايتا كەتەيٸك, 49 كەلٸدە قازاقستاندىق سانجار تەشكەنباي ٶزبەك ەلٸنەن كەلگەن يبروحيم ۋشجونوۆتى جەڭٸپ كەتتٸ. كەلەسٸ جولداماعا 56 كەلٸدەگٸ ەربولات سابىر يە بولىپ, ول جارتىلاي فينالدا رەسەيلٸك الەكسەي شەندريكپەن قولعاپ تٷيٸستٸرەدٸ.
قورجىنعا تاعى بٸر جٷلدەنٸ 64 كەلٸدەگٸ سابىرجان اققالىقوۆ تٷسٸردٸ. كۋبالىق داريان فاۆيەر كاسترومەن جەكپە-جەككە شىققان ول تٶرەشٸلەر شەشٸمٸمەن جارىستى جالعاستىراتىن بولدى.
ال 75 كەلٸ سالماقتاعى دياس مولجٸگٸتوۆ ليتۆالىق الەكساندر تروفيمچۋكتٸڭ وسال تۇسىن تاپتى. كەلەسٸ قارسىلاسى - رەەسيلٸك ميحايل ۋسوۆ.
جارتىلاي فينالعا جولداما العان تاعى بٸر قازاقستاندىق بوكسشى ەلنۇر سٷيٸنباي 60 كەلٸدە شيرەك فينالدا جەڭٸسكە جەتتٸ. ەندٸ ول جارتىلاي فينالدا دجون ەلين وروبيو سينيەسترمەن قولعاپ تٷيٸستٸرەدٸ.
ال قىزدار اراسىندا قازاقستاندىق بوكسشىلار اراسىنان جۇلدىز شاياحمەتوۆا (60 كەلٸ) جاسمين قيزاتوۆا (69 كەلٸ) ەسەل ساعاتوۆا (81 كەلٸ) ەلدانا تەلٸپوۆا (81 كەلٸدەن جوعارى) وسىنداي مٷمكٸندٸككە يە بولعان ەدٸ.
جارتىلاي فينال 20 سەۋٸرگە بەلگٸلەنگەن. ال 22-23 سەۋٸر كٷندەرٸ جەڭٸمپازدار انىقتالادى.
