قازاقستاندىق ابىلايحان جٷسٸپوۆ رەسەيدٸڭ ەكاتەرينبۋرگ قالاسىندا ٶتٸپ جاتقان بوكستان ەلەم چەمپيوناتىندا قازاقستان قورجىنىنا تٶرتٸنشٸ قولا مەدال سالدى, دەپ حابارلايدى "ۇلت اقپارات".
ابىلايحان جٷسٸپوۆ 69 كەلٸدە رەسەيلٸك بوكسشى اندرەي زامكوۆويمەن قولعاپ تٷيٸستٸردٸ. بٷگٸنگٸ جەكپە-جەكتە قوس قارسىلاس تارتىستى بەسەكە كٶرسەتتٸ. بٸر-بٸرٸنە جۇمساعان سوققىلارى دەل تيٸپ جاتتى. ابىلايحان ٶزٸنەن ون جاس ٷلكەن رەسەيلٸك بىلعارى قولعاپ شەبەرٸنٸڭ وسال تۇسىن تابۋعا بارىنشا تىرىستى. دەگەنمەن تٶرەشٸلەر جەڭٸستٸ رەسەيلٸك بوكسشىعا بەردٸ.
ابىلايحان جٷسٸپوۆ 1997 جىلى قاراعاندى وبلىسىندا دٷنيەگە كەلگەن. بۇعان دەيٸن 2017 جىلى ەلەم چەمپيوناتىندا قولا, ازييا چەمپيوناتىندا كٷمٸس جٷلدەگەر اتانعان.
ول 69 كەلٸدە بيىلعى ەلەم چەمپيوناتىن 1/16 فينالدىق ساتىسىنان باستاپ, وندا تايلاندتىق ۆۋتتيچاي ماسۋحتى تٸزە بٷكتٸردٸ. ودان كەيٸن 1/8 فينالدا گەرمانييالىق نيك بۋردى جەڭدٸ. شيرەك فينالدا دومينيكان رەسپۋبليكاسىنان كەلگەن ەميليانو پولانكودان باسىم تٷستٸ.
بٷگٸنگٸ قارسىلاسى اندرەي زامكوۆوي - رەسەيدٸڭ 32 جاستاعى تەجٸريبەلٸ بوكسشىسىنىڭ بٸرٸ. ول 2012 جىلى وليمپيادادا قولا السا, 2009 جىلى ەلەم چەمپيوناتىندا قولا جٷلدەگە قول سوزدى.
بۇعان دەيٸن بٷگٸن قازاقستاندىق ٷش بوكسشى قارسىلاستارىنا ەسە جٸبەردٸ. نەتيجەسٸندە قازاقستان قورجىنىنا ٷش قولا مەدال تٷستٸ.
