بٷگٸن رەسەيدٸڭ ەكاتەرينبۋرگ قالاسىندا بوكستان ەلەم چەمپيوناتى باستالادى. قازاقستاندىق بوكسشىلار شارشى الاڭعا 10 قىركٷيەكتە شىعا باستايدى, دەپ حابارلايدى قازاقپارات.
بيىلعى ەلەم چەمپيوناتىندا قازاقستاندىق قۇراما ساپىندا سەگٸز ساڭلاعىمىز شارشى الاڭعا شىعادى. ولاردىڭ قاتارىندا سەكەن بيبوسىنوۆ (48 كەلٸ), قايرات ەرەليەۆ (57 كەلٸ), زاكير سافيۋللين (63 كەلٸ), ابىلايحان جٷسٸپوۆ (69 كەلٸ), تۇرسىنباي قۇلاحمەت (75 كەلٸ), بەكزات نۇردەۋلەتوۆ (81 كەلٸ), ۆاسيليي لەۆيت (91 كەلٸ) جەنە قامشىبەك قوڭقاباەۆ (91 كەلٸدەن جوعارى) بار. قازاقستاندىق بوكسشىلار العاشقى جەكپە-جەگٸن 10 قىركٷيەكتە ٶتكٸزەدٸ.
ەلەم چەمپيوناتى 1974 جىلدان بەرٸ تۇراقتى تٷردە ٶتكٸزٸلٸپ كەلەدٸ. دٷبٸرلٸ دودا تۇڭعىش رەت كۋبا ەلٸندە باستالعان ەدٸ. 1986 جىلعا دەيٸن گٷرزٸ جۇدىرىقتى جٸگٸتتەر تٶرت جىلدا بٸر مەرتە شارشى الاڭ تٶرٸندە شەبەرلٸك بايقاسقان بولاتىن. ودان كەيٸن 1989 جىلدان باستاپ بىلعارى قولعاپ شەبەرلەرٸ ەكٸ جىلدا بٸر مەرتە دٷبٸرلٸ دودانىڭ كٶرٸگٸن قىزدىرىپ كەلەدٸ. سودان بەرٸ ەلەمدٸك چەمپيوناتتا بارلىعى 856 مەدال جيىنتىعى ساراپقا سالىنىپتى. ونىڭ ٸشٸندە قازاقستاندىق قۇراما بارلىعى 40 مەدالعا قول جەتكٸزدٸ. مەدالدٸڭ 11-ٸ التىن, 12-ٸ كٷمٸس جەنە 17-ٸ قولا بولىپ سانالادى.
جالپى كوماندالىق كٶرسەتكٸشتە كۋبا قۇراماسى ەشكٸمگە دەس بەرمەي كەلەدٸ. قازٸرگٸ تاڭدا ولاردىڭ ەنشٸسٸندە بارلىعى 135 مەدال (76 التىن, 36 كٷمٸس, 25 قولا) بار. ودان كەيٸنگٸ ورىندارداعى كسرو-مەن قوسا ەسەپتەگەندە رەسەيدە -109 (38 التىن, 33 كٷمٸس, 38 قولا), اقش-تا – 45 (16 التىن, 10 كٷمٸس, 19 قولا) مەدال بار. جالپى العاندا, بٷگٸنگٸ كٷنگە دەيٸن بارلىعى 57 مەملەكەتتٸڭ بىلعارى قولعاپ شەبەرلەرٸ جٷلدەگەر قاتارىنان كٶرٸنگەن.
قازاقستان بوكسشىلارى ەلەم چەمپيوناتىنا 1993 جىلدان بەرٸ قاتىسىپ كەلەدٸ. العاشقى بەسەكەدە قازاقستاندىقتار اراسىنان 75 كەلٸدە ۆۆسيليي جيروۆ قولا جٷلدەگەر اتاندى. 1995 جىلى ەلٸمٸزدٸڭ قورجىنىنا 1 كٷمٸس, 1 قولا جٷلدە تٷستٸ.
اتاپ ايتقاندا, 51 كەلٸدە بولات جۇمەدٸلوۆ كٷمٸس, 81 كەلٸدە ۆاسيليي جيروۆ قولا جٷلدەگە قول سوزدى. 1997 جىلى دا دەل سونداي جەتٸستٸك قايتالاندى. قازاقستاندىق بوكسشىلار قاتارىنان 71 كەلٸدە ەرماحان يبرايموۆ كٷمٸس, 51 كەلٸدە بولات جۇمەدٸلوۆ قولا جٷلدەگەر بولدى. ال 1999 جىلى قازاقستان قۇراماسى العاشقى التىنىنا قول جەتكٸزدٸ. دٷبٸرلٸ دودادا 51 كەلٸدە سىنعا تٷسكەن بولات جۇمەدٸلوۆ چەمپيوندىق تۇعىرعا كٶتەرٸلسە, مۇحتارحان دٸلدەبەكوۆ (91 كەلٸدەن جوعارى) ەكٸنشٸ, ەرماحان يبرايموۆ (71 كەلٸ) ٷشٸنشٸ ورىن الدى.
ال 2001 جىلى بٸزدٸڭ قورجىنعا نەبەرٸ بٸر كٷمٸس مەدال تٷستٸ. ونى 57 كەلٸدە شارشى الاڭعا شىققان گاليب دجافاروۆ الدى. بۇل ولقىلىقتىڭ ورنىن ساڭلاقتارىمىز 2003 جىلعى ەلەم بٸرٸنشٸلٸگٸندە تولتىردى. دٷبٸرلٸ دودادا گاليب دجافاروۆ (57 كەلٸ) جەنە گەنناديي گولوۆكين (75 كەلٸ) التىن الدى. ال 2005 جىلى ەلەم بٸرٸنشٸلٸگٸنەن بارلىعى 5 مەدال ولجالاپ قايتتىق. بٸزدٸڭ بوكسشىلار اراسىنان سەرٸك سەپيەۆ (64 كەلٸ) مەن ەردوس جاڭابەرگەنوۆ (81 كەلٸ) چەمپيون اتانسا, بٸرجان جاقىپوۆ (48 كەلٸ), ميرات سەرسەمباەۆ (51 كەلٸ), باقتييار ارتاەۆ (69 كەلٸ) ٷزدٸك ٷشتٸكتٸ تٷيٸندەدٸ. 2007 جىلى بٸزدٸڭ قۇراما 1 التىن, 3 قولا مەدالگە قول جەتكٸزدٸ. التىن مەدال سەرٸك سەپيەۆكە (64 كەلٸ) بۇيىرسا, قانات يسلام (69 كەلٸ), باقتييار ارتاەۆ (75 كەلٸ) جەنە ەركەبۇلان شىنەليەۆ (81 كەلٸ) قولا جٷلدەگەر اتاندى. 2009 جىلى بٸزدٸڭ جٸگٸتتەر اراسىنان سەرٸك سەپيەۆ (69 كەلٸ) قولا الدى.
ال 2011 جىلى سەرٸك سەپيەۆ (69 كەلٸ) مەن ەدٸلبەك نييازىمبەتوۆ (81 كەلٸ) كٷمٸس, عاني جايلاۋوۆ (60 كەلٸ), يۆان دىچكو (91 كەلٸدەن جوعارى) قولا جٷلدەگەر اتاندى. 2013 جىلعى ەلەم چەمپيوناتى قازاقستاندا ٶتكٸزٸلدٸ. الماتى قالاسىندا جالاۋىن كٶتەرگەن بەسەكەدە قازاق جٸگٸتتەرٸ 4 التىن, 2 كٷمٸس, 2 قولا مەدال الدى. جالپى كوماندالىق ەسەپتە 8 مەدالمەن كٶش باسىنا شىقتى. اتاپ ايتقاندا, بٸرجان جاقىپوۆ (48 كەلٸ), مەرەي اقشالوۆ (64 كەلٸ), دانييار ەلەۋسٸنوۆ (69 كەلٸ), جەنٸبەك ەلٸمحانۇلى (75 كەلٸ) چەمپيون اتاندى. ال ەدٸلبەك نييازىمبەتوۆ (81 كەلٸ), يۆان دىچكو (91 كەلٸدەن جوعارى) كٷمٸس, قايرات ەرەليەۆ (56 كەلٸ) جەنە بەرٸك ەبدٸراحمانوۆ (60 كەلٸ) قولا جٷلدەگەر اتاندى. 2015 جىلى دانييار ەلەۋسٸنوۆ (69 كەلٸ) پەن يۆان دىچكو (91 كەلٸدەن جوعارى) ەكٸنشٸ ورىندى قاناعات تۇتتى. سوڭعى 2017 جىلعى ەلەم چەمپيوناتىندا قازاقستاندىق جٸگٸتتەر 1 التىن, 2 كٷمٸس, 3 قولا مەدالدٸ ولجالاپ قايتتى. قازاقستان قۇراماسىنان قۇرامادان قايرات ەرەليەۆ (56 كەلٸ) چەمپيون اتانسا, ەبٸلحان امانقۇل (75 كەلٸ) جەنە قامشىبەك قوڭقاباەۆ (91 كەلٸدەن جوعارى) كٷمٸس, ەرجان جومارت (48 كەلٸ), ابىلايحان جٷسٸپوۆ (69 كەلٸ), ۆاسيليي لەۆيت (91 كەلٸ) ٷزدٸك ٷشتٸكتٸ تٷيٸندەدٸ.
بۇدان بۇرىن بٸزدٸڭ بوكسشىلاردىڭ ەلەم چەمپيوناتىنداعى العاشقى قارسىلاستارى انىقتالعانىن حابارلاعان ەدٸك.
