فوتو: tengrinews.kz
تانىمال قازاقستاندىق بوكسشى دانييار ەلەۋسٸنوۆ (11-0, 6 كو) حالىقارالىق بوكس ۇيىمىنىڭ (IBO) نۇسقاسى بويىنشا جارتىلاي ورتا سالماقتاعى ەلەم چەمپيونى اتاعىنان ايىرىلدى, دەپ حابارلايدى قازاقپارات اگەنتتٸگٸ Sports.kz-كە سٸلتەمە جاساپ.
2022 جىلدىڭ 27 جەلتوقسانىنداعى جاعداي بويىنشا ەلەۋسٸنوۆ IBO سايتىنداعى ەلەم چەمپيوندارىنىڭ تٸزٸمٸندە جوق, بۇعان دەيٸن ونىڭ ەسٸمٸ مەن سۋرەتٸ تيٸستٸ بٶلٸمدە تۇرعان. سونىمەن قاتار بەدەلدٸ BoxRec.com پورتالىندا جارتىلاي ورتا سالماقتاعى چەمپيوندىق بەلبەۋ بوس دەپ كٶرسەتٸلگەن.
ەلەۋسٸنوۆتٸڭ چەمپيون اتاعىنان ايىرىلۋى بوكسشىنىڭ جەكپە-جەكتەرٸ اراسىنداعى ۋاقىت ۇزاقتىعىمەن بايلانىستى بولۋى مٷمكٸن. IBO ەرەجەسٸ بويىنشا اۋىر سالماقتى قوسپاعاندا, ەربٸر سالماق ساناتىنداعى ەلەم چەمپيوندارى توعىز ايدا بٸر رەت (اۋىر سالماقتاعىلار ٷشٸن بۇل كەزەڭ بٸر جىل) دەرەجەسٸن قورعاۋدى تالاپ ەتەدٸ. ەرەجەنٸ بۇزۋعا تەك مەديتسينالىق سەبەپ بويىنشا جەنە/نەمەسە IBO-نىڭ شەشٸمٸمەن عانا رۇقسات بەرٸلەدٸ.
ال قازاقستاندىق بوكسشى ەلەۋسٸنوۆ IBO تۇجىرىمى بويىنشا ەلەم چەمپيونى اتاعىن جەڭٸپ العاننان بەرٸ بٸردە-بٸر رەت دەرەجەسٸن قورعاماعان.
دانييار ەلەۋسٸنوۆ سوڭعى جەكپە-جەگٸن ٶتكەن جىلدىڭ 18 جەلتوقسانىندا استانادا ٶتكٸزٸپ, ارگەنتينالىق حۋان ەرنان لەالدى (15-3, 4 كو) جەڭٸپ, IBO چەمپيونى اتاعىن جەڭٸپ العان بولاتىن.
ەسكە سالساق, بۇعان دەيٸن دانييار ەلەۋسٸنوۆ جاقىن ارادا سپورتتىق مانسابىن اياقتاۋ مەسەلەسٸنە قاتىستى پٸكٸر بٸلدٸرٸپ, بوكس ٶزٸنە ونشا ۇنامايتىندىعى تۋرالى ايتقان ەدٸ.
