قازاقستاندىق بوكسشى ايدوس ەربوسىنۇلى (15-0, 10 كو) رينگكە قاشان ورالاتىنىن ايتتى, دەپ حابارلايدى "ۇلت اقپارات" Sports.kz-كە سٸلتەمە جاساپ.
ول كەلەسٸ جەكپە-جەگٸن 28 ناۋرىزدا كۆەبەكتە (كانادا) ٶتكٸزەدٸ. ەربوسىنۇلىنىڭ قارسىلاسى كانادالىق تيم كرونين (12-5-2, 3 كو) بولادى, ال قازاقستاندىق WBC Asia, WBA International جەنە WBO Global-عا تيەسٸلٸ سۋپەر ورتا سالماقتاعى بارلىق ٷش چەمپيوندىق بەلبەۋ ٷشٸن كٷرەسەدٸ.
جەكپە-جەك ون راۋندقا ەسەپتەلگەن. سوڭعى ٶتكٸزگەن جەكپە-جەگٸندە ايدوس ەربوسىنۇلى جەلتوقسان ايىندا گانالىق بوكسشى يسسا ساميرمەن (19-1, 16 كو) رينگكە شىعىپ, ونى ٷشٸنشٸ راۋندتا نوكاۋتقا جٸبەردٸ. سول جەكپە-جەكتە ەربوسىنۇلى ٶزٸنٸڭ بارلىق ٷش تيتۋلىن سەتتٸ قورعاپ شىققان بولاتىن.
