تەننيس ورتالىعىندا بوكستان ەرلەر اراسىندا قازاقستان چەمپيوناتى مەرەگە جەتٸپ, بارلىق سالماق دەرەجەلەرٸ بويىنشا ٷزدٸك شىققاندار انىقتالدى, دەپ حابارلايدى قازاقپارات.
سوڭعى بەسەكەلەر بارىنشا تارتىستى ٶتتٸ.
اقمولا وبلىسىنىڭ ٶكٸلٸ ورازبەك اسىلقۇلوۆ 57 كگ سالماقتا قوستانايلىق ايدوس اراپوۆتى 3:2 ەسەبٸمەن ۇتىپ, چەمپيون اتاندى.
60 كگ سالماقتا قاراعاندىلىق ۆاسيليي سامچۋك شىعىسقازاقستاندىق ەدٸلەت قۇرمەتوۆتەن ايلاسىن اسىردى.
ال 63,5 كگ سالماقتا الماتىلىق دٸلمۇرات مٸجٸتوۆتٸڭ مەرەيٸ ٷستەم بولدى. ول تارتىستى جەكپە-جەكتە شىمكەنتتٸك ابزال سەرٸكتٸ جەڭدٸ - 3:2.
وسى ەكٸ سالماقتا بيىلعى ەلەم چەمپيوناتىنا قاتىسقان ماڭعىستاۋلىقتار ساماتەلٸ مەن ساناتەلٸ تٶلتاەۆتار جارتىلاي فينالدان اسا الماي, قولا جٷلدەنٸ قاناعات تۇتتى.
67 كگ سالماقتا جامبىلدىق دۋلات بەكباۋوۆ الماتى وبلىسىنان كەلگەن دارحان دٷيسەبايدان باسىم ەكەندٸگٸن كٶرسەتتٸ - 5:0.
71 كگ سالماقتا شىعىسقازاقستاندىق ەرماحان جاكپەكوۆتٸڭ باعى جاندى. ول فينالدا پاۆلودارلىق قۋان قۋاتوۆتى قاپى قالدىردى - 4:1.
75 كگ سالماقتا بيىلعى ەلەم چەمپيوناتىندا ەل نامىسىن قورعاعان اتىراۋلىق نۇرقانات رايىس قاتتى قارسىلىق كٶرسەتكەن پاۆلودارلىق اياتۋللا تەكٸجانوۆتى جەڭدٸ - 3:2.
80 كگ سالماقتا 2021 جىلعى ەلەم بٸرٸنشٸلٸگٸندە باق سىناعان ەلوردالىق نۇربەك ورالباي اقتٶبەلٸك جەنٸبەك قارتباەۆتىڭ وسال جەرٸن تاپتى - 5:0.
86 كگ سالماقتا تٷركٸستاندىق ساعىندىق توعامباي الماتىلىق مەدي ەمٸروۆتٸ بەسەكە سوڭىندا نوكداۋنعا جٸبەردٸ - 5:0.
92 كگ سالماقتا تاعى بٸر ەلوردالىق, بيىلعى ەلەم بٸرٸنشٸلٸگٸندە رينگكە شىققان ايبەك ورالباي مەن ەسكەريلەر اراسىندا ەلەم چەمپيونى, تٷركٸستاندىق ابزال قۇتتىبەكوۆ قولعاپ تٷيٸستٸردٸ. جەڭٸس ا.ورالبايعا بەرٸلدٸ - 4:1.
اسا اۋىر سالماقتا 2021 جىلعى ەلەم چەمپيوناتىنا قاتىسۋشى, تٷركٸستاندىق نۇرلان ساپارباي مەن اتىراۋلىق, 19 جاستاعى امانات سابىرعالي سوڭعى بەسەكەگە شىقتى. مۇندا ن.ساپاربايدىڭ مەرەيٸ ٷستەم بولدى - 5:0.
وسىلايشا ورالدا ەرلەر اراسىندا ەل چەمپيوناتى اياقتالدى. بيىلعى بٸرٸنشٸلٸكتە بٸرقاتار جاستار دا جارقىراي كٶرٸندٸ. ەسٸرەسە, 48 كگ سالماقتا توپ جارعان 18 جاستاعى سانجار تەشكەنبايدى ەرەكشە اتاۋعا بولادى.
