بٷگٸن بوكستان ەرلەر اراسىندا ورالدا باستالاتىن قازاقستان چەمپيوناتىندا جەڭٸمپاز اتانعاندار الداعى ٸرٸ جارىستاردا ەل نامىسىن قورعايدى. بۇل تۋرالى ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە وليمپيادا چەمپيونى, قازاقستان بوكس فەدەراتسيياسىنىڭ ۆيتسە-پرەزيدەنتٸ باقتييار ارتاەۆ مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, قازاقستان بٸرٸنشٸلٸگٸندە بيىلعى ەلەم چەمپيوناتىنا قاتىسقان بوكسشىلار دا باق سىنايدى.
«تەك ەلەم چەمپيوندارى مەن جٷلدەگەرلەرٸ جارىستان بوساتىلدى. بيىلعى قازاقستان بٸرٸنشٸلٸگٸندە ەدٸل قازىلىق جاسالىپ, ەڭ مىقتىلار ۇلتتىق قۇراماعا ٸرٸكتەلەتٸن بولادى. الداعى جىلى الدىمەن 23 قاڭتار – 1 اقپاندا ٶزبەكستان استاناسى تاشكەنت قالاسىندا 19-23 جاستاعىلار اراسىندا ازييا چەمپيوناتى ٶتەدٸ. سودان كەيٸنگٸ ٸرٸ دودا – ازييا ويىندارى. سونداي-اق ەلەم كۋبوگىندا كوماندالىق سايىس بولادى. ەلەم كۋبوگىنىڭ جٷلدە قورى 2 ملن اقش دوللارى بولادى دەگەن جورامال بار. مٸنە, وسى ٷش جارىستا بيىلعى چەمپيوناتتا جەڭٸمپاز اتانعاندار ەل نامىسىن قورعايدى», - دەدٸ ب.ارتاەۆ.
قازاقستان بوكس فەدەراتسيياسىنىڭ اتقارۋشى ديرەكتورى ماراتبەك مىقتىبەكوۆ تەۋەلسٸزدٸكتٸڭ 30 جىلدىعىنا وراي ۇيىمداستىرىلعان ەل چەمپيوناتىندا 13 سالماق دەرەجەسٸندە جەڭٸمپاز-جٷلدەگەرلەر انىقتالاتىنىن, بٸرٸنشٸلٸكتٸ ٶتكٸزۋ ٷشٸن بارلىق جاعدايدىڭ جاسالعانىن جەتكٸزدٸ.
«قازاقستان چەمپيوناتىنا ەلٸمٸز قالالارى مەن وبلىستارىنان 211 بوكسشى قاتىسىپ, باق سىناماقشى. باتىس قازاقستان وبلىسىنىڭ نامىسىن بيىلعى ازييا چەمپيوناتىنىڭ كٷمٸس جٷلدەگەرٸ دانييال سەبيت باستاعان 10 سپورتشى قورعايدى», - دەدٸ بقو بوكس فەدەراتسيياسىنىڭ پرەزيدەنتٸ باۋىرجان كەرٸموۆ.
