بريتاندىق بوكسشىلار تايسون فيۋري مەن ەنتوني دجوشۋا العاشقى جەكپە-جەكتەرٸ ٷشٸن ەرقايسىسى 100 ملن فۋنتتان ($126 ملن) الۋى مٷمكٸن, دەپ حابارلايدى "ۇلت اقپارات".
Times باسىلىمىنىڭ جازۋىنشا, سەرسەنبٸدە فيۋري مەن دجوشۋانىڭ ەكٸ ايقاس بويىنشا كەلٸسٸمشارتقا وتىرعانى بەلگٸلٸ بولعان. ولاردىڭ العاشقىسى 2021 جىلدىڭ جازىندا ٶتۋٸ مٷمكٸن.
دەرەككٶزدٸڭ اقپاراتىنا قاراعاندا, بٸرٸنٸشٸ جەكپە-جەكتٸڭ جالپى سىياقى سوماسى 200 ملن فۋنت شاماسىندا.
بۇل كەزدەسۋ بريتان بوكسى تاريحىنداعى رەكوردتىق كٶرسەتكٸش بولۋى ىقتيمال.
دجوشۋا - حالىقارالىق بوكس فەدەراتسيياسى (IBF), دٷنيەجٷزٸلٸك بوكسشىلار قاۋىمداستىعى (WBA) جەنە بٷكٸلەلەمدٸك بوكسشىلار ۇيىمى (WBO) نۇسقالارى بويىنشا چەمپيوندىق تيتۋلداردىڭ يەگەرٸ. بريتاندىق 23 رەت قارسىلاسىنان باسىم تٷسسە (21 نوكاۋت), بٸر رەت جەڭٸلگەن.
ال 31 جاستاعى فيۋري كەسٸپقوي بوكستا ەش سٷرٸنٸپ كٶرمەگەن. ول 30 رەت جەڭٸسكە جەتٸپ (21 نوكاۋت), بٸر رەت تەڭ تٷسكەن.
