Britandyq boksshylar Taison Fiýri men Entoni Djoshýa alǵashqy jekpe-jekteri úshin árqaisysy 100 mln fýnttan ($126 mln) alýy múmkin, dep habarlaidy "Ult aqparat".
Times basylymynyń jazýynsha, sársenbide Fiýri men Djoshýanyń eki aiqas boiynsha kelisimshartqa otyrǵany belgili bolǵan. Olardyń alǵashqysy 2021 jyldyń jazynda ótýi múmkin.
Derekkózdiń aqparatyna qaraǵanda, birinishi jekpe-jektiń jalpy syiaqy somasy 200 mln fýnt shamasynda.
Bul kezdesý britan boksy tarihyndaǵy rekordtyq kórsetkish bolýy yqtimal.
Djoshýa - Halyqaralyq boks federatsiiasy (IBF), Dúniejúzilik boksshylar qaýymdastyǵy (WBA) jáne Búkilálemdik boksshylar uiymy (WBO) nusqalary boiynsha chempiondyq titýldardyń iegeri. Britandyq 23 ret qarsylasynan basym tússe (21 nokaýt), bir ret jeńilgen.
Al 31 jastaǵy Fiýri kásipqoi boksta esh súrinip kórmegen. Ol 30 ret jeńiske jetip (21 nokaýt), bir ret teń túsken.
