نۇر-سۇلتان قالاسىنداعى قارۋلى كٷشتەردٸڭ ەسكەري-تاريحي مۋزەيٸندە بٶگەنباي باتىردىڭ دۋلىعاسىن سالتاناتتى تٷردە مۇراجاي قورىنا تاپسىرۋ رەسٸمٸ ٶتتٸ, دەپ حابارلايدى قازاقپارات قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
دۋىلعانى اقمولا وبلىسى, ەرەيمەنتاۋ اۋدانى مالتابار اۋىلىنىڭ تۇرعىنى, اتى اڭىزعا اينالعان باتىردىڭ جەتٸنشٸ ۇرپاعى جاباي كەنجالين ساقتاعان.
ەسكەري-تاريحي مۋزەي قىزمەتكەرلەرٸ جاڭا ەكسپوناتتى ەرەكشە تاريحي قۇندى جەدٸگەر ەكەنٸن تٸلگە تيەك ەتتٸ.
قانجىعالى بٶگەنباي باتىر (1680-1778) – ٷش جٷزدٸڭ ەسكەرٸن باسقارعان قازاقتىڭ ۇلى قولباسشىسى. اقتىق دەمٸ قالعانشا قازاق ەلٸنٸڭ تەۋەلسٸزدٸگٸ جولىندا كٷرەسٸپ, جوڭعار شاپقىنشىلىعى كەزٸندە ەرلٸك كٶرسەتكەن.
ٷش عاسىر ٶتسە دە باتىردىڭ جەكە قارۋىنىڭ كەيبٸرٸن بالالارى كٶزدٸڭ قاراشىعىنداي ساقتاپ, ۇرپاقتان-ۇرپاققا جەتكٸزدٸ.
شارا قازاقستان تەۋەلسٸزدٸگٸنٸڭ 30 جىلدىعىنا ورايلاستىرىلىپ, قازاق حالقىنىڭ ەسكەر تاريحىنا قىزىعۋشىلىقتى ارتتىرۋعا, مۇراجاي ٸسٸن دەرٸپتەۋگە باعىتتالدى.
سالتاناتتى رەسٸمگە «قارۋلى كٷشتەردٸڭ ارداگەرلەرٸ» رەسپۋبليكالىق قوعامدىق بٸرلەستٸگٸ تٶراعاسىنىڭ ورىنباسارى وتستاۆكاداعى گەنەرال-مايور مارات ناعۇمانوۆ قاتىستى.
