پەتروپاۆل ەكٸمدٸگٸنٸڭ قىزمەتكەرٸ بلوكپوستتان اۆتوكٶلٸك ٶتكٸزگەنٸ ٷشٸن پارا الدى دەگەن كٷدٸككە ٸلٸندٸ. بۇل تۋرالى ونداين بريفينگٸدە قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اپپارات باسشىسى قۋانىش جاپاقوۆ مەلٸم ەتتٸ, دەپ حابارلايدى قازاقپارات.
سولتٷستٸك قازاقستان وبلىسى بويىنشا دەپارتامەنت پەتروپاۆل قالاسى ەكٸمدٸگٸنٸڭ لاۋازىمدى ادامىنا قاتىستى سوتقا دەيٸنگٸ تەرگەۋ امالدارىن باستادى. ول COVID-19 كوروناۆيرۋس ينفەكتسيياسىنىڭ تارالۋىن الدىن الۋ جٶنٸندەگٸ وبلىس ەكٸمدٸگٸ جەدەل شتابىنىڭ مٷشەسٸ ەكەنٸ انىقتالدى.
«اتالعان ادام كارانتيندٸك بلوكپوستتار ارقىلى اۆتوكٶلٸكتٸڭ كەدەرگٸسٸز ٶتۋٸنە رۇقساتنامانى رەسٸمدەگەنٸ ٷشٸن 50 مىڭ تەڭگە سوماسىندا پارا الدى دەگەن كٷدٸككە ٸلٸندٸ. بۇل بلوكپوستتار پەتروپاۆل قالاسىنان شىعاتىن جولداردا ورناتىلعان», - دەدٸ قۋانىش جاپاقوۆ.