1 شٸلدەدە اقش مەملەكەتتٸك حاتشىسى ەنتوني بلينكەن ٶزبەك جەنە تەجٸك ديپلوماتتارىمەن اۋعانستان مەسەلەسٸن تالقىلادى, دەپ حابارلايدى ازاتتىق.
اقش پەن ناتو اۋعانستاننان ەسكەرٸن شىعارىپ جاتقان شاقتا جەنە ۆاشينگتون ورتالىق ازييا ەلدەرٸنەن وداقتاس تابۋعا ۇمتىلىپ جاتقان تۇستا وسىنداي كەزدەسۋ ٶتٸپ وتىر. كەيٸنگٸ اپتالاردا تاليبان ونداعان اۋداندى باسىپ الىپ, باتىس قولدايتىن اۋعان ٷكٸمەتٸنٸڭ الاڭداۋشىلىعىن تۋعىزعان.
تاليبان اۋعانستاننىڭ سولتٷستٸگٸندە ٶزبەكستان مەن تەجٸكستانمەن شەكتەسەتٸن بٸرنەشە اۋداندى باقىلاۋعا الىپ, ورتالىق ازييا ەلدەرٸنٸڭ شەكاراسىنا جاقىنداعان. دۋشانبە تەلٸپتەردەن قاشقان اۋعانداردى قابىلداۋعا دايىن ەكەنٸن مەلٸمدەگەن. ال ٶزبەكستان اۋعان-ٶزبەك شەكاراسىندا ەسكەري دايىندىقتى پىسىقتاپ, قاۋٸپسٸزدٸكتٸ كٷشەيتكەن.
"ايماق قاۋٸپسٸزدٸگٸ ەسٸرەسە, اۋعانستان مەسەلەسٸنە كەلگەندە بٸزدٸڭ مٷددەمٸز ورتاق" دەدٸ بلينكەن ٶزبەكستان سىرتقى ٸستەر مينيسترٸ ابدۋلازيز كاميلوۆپەن كەزدەسۋدەن كەيٸن ٶتكەن بريفينگ كەزٸندە.
اقش مەملەكەتتٸك دەپارتامەنتٸنٸڭ تاراتقان حابارلاماسىنا سەيكەس, تەجٸكستان سىرتقى ٸستەر مينيسترٸ سيرودجيددين مۋحريددينمەن كەزدەسۋ كەزٸندە بلينكەن اۋعانستان مەسەلەسٸن تالقىلاپ, اقش تەجٸكستاننىڭ "قاۋٸپسٸزدٸگٸ, تۇراقتىلىعى جەنە تەرريتورييالىق تۇتاستىعىن قولدايدى" دەپ مەلٸمدەگەن.
امەريكانىڭ The New York Times جەنە The Wall Street Journal باسىلىمدارى جەنە ٶزگە باق-تىڭ جازۋىنشا, اقش بيلٸگٸ تاليبان مەن "ەل-قايدا" ەكسترەميستٸك توپتارىنىڭ ەرەكەتٸن باقىلاۋ ٷشٸن اۋعانستانعا جاقىن ٶزبەكستان مەن تەجٸكستاندا ەسكەرٸنٸڭ بٸراز بٶلٸگٸن ورنالاستىرۋعا كٷش سالىپ جاتىر.
