اقش مەملەكەتتٸك حاتشىسى ەنتوني بلينكەن دٷيسەنبٸ, 13 قىركٷيەكتە ٶكٸلدەر پالاتاسىنىڭ حالىقارالىق ٸستەر جٶنٸندەگٸ كوميتەتٸندە اقش-تىڭ اۋعانستاننان امەريكا ەسكەرٸن ەكەتۋٸنە بايلانىستى سۇراقتارعا جاۋاپ بەردٸ. كونگرەستەگٸ رەسپۋبليكاشىلدار پرەزيدەنت-دەموكرات دجو بايدەننٸڭ اۋعانستان بويىنشا سوڭعى كەزدەگٸ ەرەكەتٸنە بايلانىستى مەسەلەلەر قوزعاعان.
"امەريكا داۋىسى" سايتىنىڭ جازۋىنشا, كونگرەستەگٸ دەموكراتتار بۇرىنعى ەكٸمشٸلٸك: رەسپۋبليكاشىل كٸشٸ دجورد بۋش پەن دونالد ترامپ, دەموكرات باراك وباما مەن دجو بايدەن ەكٸمشٸلٸكتەرٸنٸڭ ەرەكەتٸنە نازار اۋدارتۋعا تىرىسقان.
كوميتەتتە سۇراقتارعا جاۋاپ بەرگەن بلينكەن امەريكا ەسكەرٸن اۋعانستاننان ەكەتۋ تۋرالى "تاليبانمەن" كەلٸسٸم بۇرىنعى ترامپ ەكٸمشٸلٸگٸ كەزٸندە جاسالعانىن ەسكە سالدى. ونىڭ سٶزٸنە قاراعاندا, بايدەن يناۋگۋراتسيياسى قارساڭىندا تەلٸپتەردٸڭ ەسكەري پوزيتسيياسى مىعىم بولعان. ال اقش-تىڭ اۋعانستانداعى ەسكەرٸنٸڭ سانى 2001 جىلدان بەرٸ ەڭ تٶمەن كٶرسەتكٸشكە دەيٸن ازايعان.
امەريكالىقتار مەن اۋعان ازاماتتارىن ەۆاكۋاتسييالاۋ مەسەلەسٸنە توقتالعان بلينكەن اقش بۇل پروتسەسكە الدىن الا دايىندالدى دەپ اتاپ ٶتتٸ. بٸراق ونىڭ سٶزٸنشە, اۋعان كٷشتەرٸ مەن ٷكٸمەتٸنٸڭ قۇلاۋى ەۆاكۋاتسييانى اسىعىس شۇعىل جٷرگٸزۋگە ىقپال ەتكەن.
"جىل بويى بٸز ولاردىڭ (بۇرىنعى اۋعان ٷكٸمەتٸ - رەد.) پوزيتسييانى ۇستاپ تۇرۋ مٷمكٸندٸگٸنە قايتا-قايتا باعا بەرٸپ, كٶپتەگەن ستسەنارييدٸ قاراستىردىق. تٸپتٸ ەڭ پەسسيميستٸك بولجامنىڭ ٶزٸ كابۋلداعى ٷكٸمەت امەريكا كٷشتەرٸ ەلدەن كەتپەي تۇرىپ قۇلامايدى دەگەنگە مەڭزەدٸ" دەدٸ بلينكەن.
سەيسەنبٸ كٷنٸ بلينكەن سەناتتىڭ حالىقارالىق قاتىناس جٶنٸندەگٸ كوميتەتٸندە جاۋاپ بەرەدٸ.
