باتىس قازاقستان وبلىسىنىڭ جۋرناليستەرٸ كوروناۆيرۋسقا قارسى ەكپە سالدىردى, دەپ حابارلايدى "ۇلت اقپارات".
قالالىق №1 ەمحانادا ەكپە العانداردىڭ اراسىندا رەسپۋبليكالىق جەنە ٶڭٸرلٸك گازەتتەردٸڭ, سونداي-اق تەلەارنالاردىڭ تٸلشٸلەرٸ مەن قىزمەتكەرلەرٸ بار.
«جايىق پرەس» جشس-عا قاراستى وبلىستىق «پريۋرالە» گازەتٸنٸڭ باس رەداكتورى روزا سىيىقوۆانىڭ ايتۋىنشا, ەكپە العاننان كەيٸنگٸ جاعدايى قالىپتى.
«قازٸرگٸ تاڭدا ٸندەت ٶرشٸپ تۇر. سوندىقتان ٷنەمٸ الدىڭعى شەپتە جٷرەتٸن جۋرناليستەرگە ەكپە الۋ قاجەت دەپ ويلايمىن. باق قىزمەتكەرلەرٸنٸڭ الدىڭعى لەگٸ قاتارىندا تەك بٸزدٸڭ رەداكتسييادان تٶرت ادام ۆاكتسينا سالدىردى. الداعى ۋاقىتتا ەكپە الامىن دەپ تٸلەك بٸلدٸرٸپ وتىرعاندار بارشىلىق», - دەدٸ قازاقپارات تٸلشٸسٸنە ر.سىيىقوۆا.
بقو دەنساۋلىق ساقتاۋ باسقارماسىنان تٷسكەن مەلٸمەتكە قاراعاندا, 1 اقپاننان بەرٸ ٶڭٸردە 21 745 ادام ۆاكتسينانىڭ بٸرٸنشٸ كومپونەنتٸن سالدىرسا, سونىڭ 5 208-ٸ – مەديتسينا قىزمەتكەرلەرٸ, 3 934-ٸ – پەداگوگ, 1 695-ٸ – قۇقىق قورعاۋ ورگاندارىنىڭ, 10 908-ٸ – باسقا سالا ٶكٸلدەرٸ.
