Batys Qazaqstan oblysynyń jýrnalisteri koronavirýsqa qarsy ekpe saldyrdy, dep habarlaidy "Ult aqparat".
Qalalyq №1 emhanada ekpe alǵandardyń arasynda respýblikalyq jáne óńirlik gazetterdiń, sondai-aq telearnalardyń tilshileri men qyzmetkerleri bar.
«Jaiyq Pres» JShS-ǵa qarasty oblystyq «Priýrale» gazetiniń bas redaktory Roza Syiyqovanyń aitýynsha, ekpe alǵannan keiingi jaǵdaiy qalypty.
«Qazirgi tańda indet órship tur. Sondyqtan únemi aldyńǵy shepte júretin jýrnalisterge ekpe alý qajet dep oilaimyn. BAQ qyzmetkerleriniń aldyńǵy legi qatarynda tek bizdiń redaktsiiadan tórt adam vaktsina saldyrdy. Aldaǵy ýaqytta ekpe alamyn dep tilek bildirip otyrǵandar barshylyq», - dedi QazAqparat tilshisine R.Syiyqova.
BQO densaýlyq saqtaý basqarmasynan túsken málimetke qaraǵanda, 1 aqpannan beri óńirde 21 745 adam vaktsinanyń birinshi komponentin saldyrsa, sonyń 5 208-i – meditsina qyzmetkerleri, 3 934-i – pedagog, 1 695-i – quqyq qorǵaý organdarynyń, 10 908-i – basqa sala ókilderi.
