باتىس قازاقستان مەن پاۆلودار وبلىستارى تٷركٸستانعا تاريحي-كيەلٸ ورىنداردىڭ ورتالىعىن سالىپ بەرەتٸن بولدى. بٷگٸن ٶڭٸرگە قر پرەزيدەنتٸنٸڭ حاتتامالىق تاپسىرماسىن ورىنداۋ شەڭبەرٸندە تٷركٸستان قالاسىنا وسى ٶڭٸرلەردٸڭ سەۋلەت جەنە قالا قۇرىلىسى جەنە قۇرىلىس باسقارمالارىنىڭ باسشىلارى كەلدٸ, دەپ حابارلايدى "ۇلت اقپارات".
ەكٸ وبلىستان كەلگەن نۇرلان قاقامبەتوۆ پەن التىنبەك قايساعاليەۆ ايماق باسشىسى جانسەيٸت تٷيمەباەۆتىڭ قابىلداۋىندا بولىپ, «تٷركٸستان وبلىسىنىڭ تاريحي-كيەلٸ ورىندارىنىڭ ورتالىعى» عيماراتىنىڭ قۇرىلىسى بويىنشا مەجٸلٸسكە قاتىستى. جيىن بارىسىندا ٶڭٸر باسشىسى قۇرىلىس جۇمىستارى بيىل باستالۋ كەرەكتٸگٸن اتاپ ٶتتٸ.
«ەلباسى تاپسىرماسىنا سەيكەس, تٷركٸستان قالاسىندا سالىناتىن نىسانداردى تالقىلاپ, زەردەلەۋگە ەڭ العاشقى بولىپ پاۆلودار مەن باتىس قازاقستان وبلىسىنىڭ ٶكٸلدەرٸ كەلٸپ وتىر. ول ٷشٸن سٸزدەرگە جەنە پاۆلودار وبلىسىنىڭ ەكٸمٸ بولات باقاۋوۆ پەن باتىس قازاقستان وبلىسىنىڭ ەكٸمٸ التاي كٶلگٸنوۆكە العىس ايتامىن. الدىمەن الاڭداعى تاريحي ەسكەرتكٸشتەردٸڭ ورنالاسۋ تەرتٸبٸ رەتتەلۋ كەرەك. تۋريستەرگە جەنە قالا تۇرعىندارى ٷشٸن ىڭعايلى بولۋ ٷشٸن ساۋدا ورىندارى جۇمىس جاساپ, وتباسىلىق سەرۋەندەۋگە جان-جاقتى جاعداي جاسالۋى تيٸس. ورتالىقتا بوي كٶتەرەتٸن كەشەندەردٸڭ دەلمە-دەل كٶشٸرمەسٸنٸڭ بيٸكتٸگٸ شامامەن 3-4 مەتر بولادى. قويىلعان تاپسىرمانى تيياناقتى ورىنداۋ ٷشٸن ٷشجاقتى كەلٸسٸمگە كەلٸپ, جول كارتاسىن ەزٸرلەيمٸز», - دەدٸ جانسەيٸت تٷيمەباەۆ.
ٶز كەزەگٸندە قالا قوناقتارى جاڭا وبلىس ورتالىعىنىڭ كٶركەيۋٸنە بارىنشا قولداۋ كٶرسەتۋگە دايىن ەكەندەرٸن جەتكٸزدٸ.
