باتىس قازاقستان وبلىسىنا كوروناۆيرۋسقا قارسى ەگٸلەتٸن 5500 دوزا گام-كوۆيد-ۆاك (Sputnik V) ۆاكتسيناسى جەتكٸزٸلدٸ, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسىنىڭ باسشىسى مٸندەتٸن اتقارۋشى ارمان قاليبەكوۆتٸڭ ٶڭٸرلٸك كوممۋنيكاتسييالار قىزمەتٸ الاڭىندا مەلٸم ەتكەنٸندەي, سونىڭ ٸشٸندە 3250-ٸ – بٸرٸنشٸ, 2250 دوزاسى – ەكٸنشٸ كومپونەنت.
ارمان تالعاتۇلىنىڭ سٶزٸنە قاراعاندا, ۆاكتسيناتسييا كەستە بويىنشا جٷرگٸزٸلەدٸ. بٸرٸنشٸ كەزەكتە باستاپقى كەزەڭگە ٸلٸكپەي قالعان, كوروناۆيرۋستى جۇقتىرۋ قاۋپٸ جوعارى مەديتسينا قىزمەتكەرلەرٸ ەگٸلەدٸ. ودان ەرٸ مۇعالٸمدەر مەن كٷشتٸك قۇرىلىمدار قىزمەتكەرلەرٸنە ەكپە سالۋ جوسپارلانۋدا.
وبلىس بويىنشا كوروناۆيرۋسقا قارسى ەگۋ جۇمىستارى 1 اقپاننان باستالعان بولاتىن. ال 22 اقپاننان ۆاكتسينانىڭ ەكٸنشٸ كومپونەنتٸمەن ەگۋ باستالدى.
«بٸرٸنشٸ دوزادان كەيٸن انتيدەنەلەردٸڭ ازداعان مٶلشەرٸ نەتيجەسٸندە ۇزاققا سوزىلمايتىن قورعانىش ەسەرٸ قالىپتاسادى. ەكٸنشٸ دوزا بٸرٸنشٸسٸنٸڭ ەسەرٸن كٷشەيتٸپ, ادام اعزاسىنداعى انتيدەنەلەر سانى كٶبەيەدٸ. قازٸرگٸ تاڭدا باستاپقىدا ەگٸلگەندەردٸڭ بارلىعى دەرلٸك (950-دەن استام ادام) ۆاكتسينا الدى. جاقىن كٷندەرٸ ولاردى ەكٸنشٸ كومپونەنتپەن ەگۋدٸ اياقتاۋ كٶزدەلۋدە», دەدٸ ا.قاليبەكوۆ.
كٷنٸ بٷگٸن 195 تٶسەكتٸك 4 كارانتيندٸك ستاتسيوناردا 77 ناۋقاس ەمدەلۋدە. ال 591 تٶسەكتٸك 7 ينفەكتسييالىق ستاتسيوناردا 284 ادام جاتىر. 17 ناۋقاس جانساقتاۋ بٶلٸمشەسٸندە.
ينۆازيۆتٸ جاساندى تىنىس الۋ اپپاراتىنا 2, ينۆازيۆتٸ ەمەس اپپاراتقا 8, وتتەگٸ كونتسەنتراتورىنا 7, ورتالىقتاندىرىلعان وتتەگٸ كٶزٸنە 92 ادام قوسىلعان.
