ٶلٸ ادامداردىڭ دەنەسٸ بەيبەرەكەت جاتىر دەگەن مەيٸتحانا ۆيدەوسى باتىس قازاقستان وبلىسى بٶرلٸ اۋدانى اقساي قالاسىندا تٷسٸرٸلگەن. مۇنى وبلىستىڭ دەنساۋلىق ساقتاۋ باسقارماسى راستادى.
"اقساي مەيٸتحاناسىنا كٸرگەندەگٸ كٶرٸنٸس – مىناۋ. كوروناۆيرۋستان قايتىس بولعانداردىڭ دەنەسٸن وسىلاي بەيبەرەكەت قويا سالعان" دەيدٸ كادر سىرتىنداعى ەيەلدٸڭ داۋسى. ۆيدەودا قارا پاكەتكە ورالعان سىرتقى پٸشٸنٸ بويىنشا مەيٸتكە ۇقسايتىن دەنەلەر بەينەلەنگەن. ۆيدەونى تٷسٸرۋشٸ تەمٸر ەسٸكتٸ اشقاندا ونىڭ ارعى جاعىندا ٷستەل ٷستٸندە بٸرنەشە مەيٸتتٸڭ جاتقانى كٶرٸنەدٸ.
"راسىمەن 2020 جىلدىڭ 12 شٸلدەسٸنەن 13 شٸلدەسٸنە قاراعان تٷنٸ بٶرلٸ اۋداندىق اۋرۋحاناسىنىڭ پاتالوگاناتومييالىق بٶلٸمٸنە قايتىس بولعانداردىڭ دەنەسٸ جەتكٸزٸلگەن. ول جەردە وعان دەيٸن جەتكٸزٸلگەن مەيٸتتەر دە بولعان. مەيٸتحانا قىزمەتكەرٸ قىزمەتتٸك مٸندەتٸ بويىنشا, نورماتيۆتەرگە سەيكەس, مەيٸتتەردٸ دەرەۋ ٸرٸكتەپ, ارنايى توڭازىتقىشتارعا سالۋى كەرەك بولعان, بٸراق مٸندەتٸن ورىنداماعان" دەلٸنگەن وبلىستىق دەنساۋلىق ساقتاۋ باسقارماسىنىڭ رەسمي جاۋابىندا.
باسقارما سوت تەرگەۋٸنٸڭ باستالعانىن مەلٸمدەدٸ, بٸراق ۆيدەونى تٷسٸرگەن ادامنىڭ بايلانىس مەلٸمەتٸن بەرۋدەن باس تارتتى. "جاعداي باقىلاۋعا الىندى" دەدٸ باسقارمانىڭ باسپاسٶز حاتشىسى حابارلامادا. مەكەمە ٶزگە دەرەكتٸ ايتپادى.
كوروناۆيرۋس پاندەميياسىنا بايلانىستى مەيٸتحانالاردىڭ جۇمىسىن اتقارىپ ٷلگەرە الماي جاتقانى تۋرالى حابارلار ەلدٸڭ تٷكپٸر-تٷكپٸرٸنەن كەلٸپ جاتىر. ولاردىڭ قاتارىندا الماتى مەن ورال قالالارىنىڭ مەيٸتحانالارى دا بار.
رەسمي ستاتيستيكاعا سەيكەس, باتىس قازاقستان وبلىسىندا 4,4 مىڭ ادامنىڭ كوروناۆيرۋس جۇقتىرعانى راستالعان. ونىڭ 3,4 مىڭى جازىلىپ شىققان, 22-سٸ قايتىس بولعان. كەشە, 16 شٸلدە كٷنٸ وبلىستا 108 ادامنان كوروناۆيرۋس انىقتالدى. كەيٸنگٸ اپتادا بۇل كٶرسەتكٸش 90-نان تٶمەندەمەدٸ.
ەلدە پنەۆمونييا ٶرشٸپ, سالدارىنان قايتىس بولعاندار سانى ارتتى. دەرٸگەرلەر پنەۆمونييانى كوروناۆيرۋس قوزدىرىپ وتىرعانىن ايتسا دا, بيلٸك ٶكپە اۋرۋىنا شالدىققانداردى COVID-19 ستاتيستيكاسىنا قوسپاي وتىر.
