بقو ەكٸمٸ عالي ەسقاليەۆتٸڭ تٶراعالىق ەتۋٸمەن جول قاۋٸپسٸزدٸگٸن قامتاماسىز ەتۋ مەسەلەلەرٸ بويىنشا كەڭەس ٶتٸپ, وندا ٶز قىزمەتتٸك مٸندەتٸن ورىنداماعان لاۋازىم يەلەرٸنە سىن-ەسكەرتپە ايتىلدى, دەپ حابارلايدى "ۇلت اقپارات".
كەڭەستە ٶڭٸر باسشىسى بەرٸنەن بۇرىن تۇرعىندار قاۋٸپسٸزدٸگٸن ساقتاۋ اسا ماڭىزدى ەكەندٸگٸن, سوندىقتان جول-كٶلٸك وقيعالارىن بولدىرماۋ باعىتىندا بارلىق شارالاردى الۋ قاجەتتٸگٸن اتاپ كٶرسەتتٸ.
جيىندا ٶتكەن جىلعى جەنە بيىلعى جول-كٶلٸك وقيعالارىنا تالداۋ جاسالدى.
بقو پوليتسييا دەپارتامەنتٸ باستىعىنىڭ مٸندەتٸن اتقارۋشى, پوليتسييا پولكوۆنيگٸ جانبولات جانشيننٸڭ مەلٸم ەتكەنٸندەي, بيىلعى ەكٸ ايدا اۆتوكٶلٸك رۋلٸنە ماس كٷيٸندە وتىرعان 300-دەن استام جٷرگٸزۋشٸ, سونىڭ ٸشٸندە 46-سى قايتالاپ جاساعانى ٷشٸن ەكٸمشٸلٸك جاۋاپكەرشٸلٸككە تارتىلدى.
ماس كٷيٸندە كٶلٸك جٷرگٸزگەن جٷرگٸزۋشٸلەردٸڭ كٸنەسٸ سالدارىنان 3 جول اپاتى تٸركەلٸپ, سونىڭ سالدارىنان 1 ادام قازا تاۋىپ, 11-ٸ جاراقات الدى.
ٶڭٸردە مالدىڭ قاتىسۋىمەن جول-كٶلٸك وقيعالارىن بولدىرماۋ ماقساتىندا بارلىق اۋداندا بەتٸمەن جٷرگەن مال قامالاتىن 64 ورىن بەلگٸلەندٸ.
مال جايۋ ەرەجەسٸن بۇزعانى ٷشٸن ٶتكەن جىلى 1600-دەن استام مال يەسٸ ەكٸمشٸلٸك جاۋاپكەرشٸلٸككە تارتىلدى.
«ەگەر ٶتكەن جىلى مالدىڭ قاتىسۋىمەن بولعان جول-كٶلٸك وقيعاسى سالدارىنان ادام ٶلٸمٸ تٸركەلمەسە, بيىل قايعىلى جايت ورىن الدى. جۋىردا عانا, 28 اقپان كٷنٸ سىرىم اۋدانى اۋماعىندا ۆاز-21011 اۆتوكٶلٸگٸ جىلقىعا سوعىلىپ, سونىڭ سالدارىنان جولاۋشى وقيعا ورنىندا كٶز جۇمدى», دەدٸ جانشين.
مال يەسٸ انىقتالدى, ول ەكٸمشٸلٸك جاۋاپكەرشٸلٸككە تارتىلاتىن بولادى.
ج.جانشيننٸڭ سٶزٸنە قاراعاندا, وبلىستا بەتٸمەن جٷرگەن مالدى قامايتىن 64 ورىن بەلگٸلەنگەنٸمەن, بولعان وقيعا ولاردىڭ قاعاز جٷزٸندە ەكەندٸگٸن كٶرسەتتٸ.
سىرىم اۋدانىندا وسىنداي 15 ورىن شىن مەنٸسٸندە جۇمىس جاسامايدى. اۋىلدىق وكرۋگ ەكٸمدەرٸ بۇل مەسەلەنٸ تٷپكٸلٸكتٸ شەشپەگەن, جاۋاپتى ادامدار بەلگٸلەنبەگەن.
سونىڭ سالدارىنان مال جول بويىندا ەمٸن-ەركٸن جٷرەدٸ.
وسىعان وراي ٶڭٸر باسشىسى سىرىم اۋدانىنىڭ ەكٸمٸ تٶلەگەن تٶرەعاليەۆكە سٶگٸس جارييالادى.
كەڭەستە سونداي-اق جول-كٶلٸك وقيعالارى جيٸ بولاتىن رەسپۋبليكالىق ماڭىزى بار ورال-اتىراۋ جولىن قايتا قۇرۋ جايى دا ايتىلدى.
قازٸرگٸ كەزدە بۇل جولدى ورتاسىن بٶلە وتىرىپ, 3 تەحنيكالىق ساناتتان 1-ساناتقا اۋىستىرۋ ٷشٸن جوبالىق-سمەتالىق قۇجاتتاماسىن جاساقتاۋ كٶزدەلۋدە.
«ٶتكەن اپتادا ورال-اتىراۋ جولىندا 4 جول اپاتىنان 12 ادام قازا تاۋىپ, 8-ٸ تٷرلٸ جاراقات الدى. تالداۋ كٶرسەتكەنٸندەي, ولاردىڭ بەرٸ جولدىڭ ناشار كٶرٸنۋٸ جاعدايىندا جٷرگٸزۋشٸلەردٸڭ قاۋٸپسٸزدٸككە كٶز جەتكٸزبەستەن, الدا كەتٸپ بارا جاتقان كٶلٸكتٸ باسىپ وزامىن دەپ, قارسى بەتكە شىعىپ كەتۋٸنەن بولعان. ەگەر جولدىڭ ەكٸ ورتاسى بٶلٸنسە, اۆتوكٶلٸكتەر بەتپە-بەت تٷيٸسپەس ەدٸ», دەدٸ جانشين.
