باتىس قازاقستان وبلىسىندا جاس بوسانعان ەكٸ انانىڭ ٶلٸمٸ بويىنشا تەكسەرٸس جٷرٸپ جاتىر. بۇل تۋرالى ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە ٶڭٸردە جۇمىس ساپارىمەن جٷرگەن قر دەنساۋلىق ساقتاۋ مينيسترٸ اجار عينييات مەلٸم ەتتٸ, دەپ حابارلايدى قازاقپارات تٸلشٸسٸ.
مينيستردٸڭ ايتۋىنشا, انا مەن بالا دەنساۋلىعىن قورعاۋ – سالاداعى باسىم باعىتتاردىڭ بٸرٸ.
«وسىعان بايلانىستى ٶڭٸردە ورىن العان ەكٸ انانىڭ ٶلٸمٸنە بايلانىستى كوميسسييا جۇمىس ٸستەۋدە. ەر تٷرلٸ تالدامالار الىنادى, بيوپسييا جاسايدى. زەرتتەۋلەردٸڭ قورىتىندىسى شىعۋى كەرەك. قۇجاتتارى تەكسەرۋ ورگاندارىندا بولسا, ولاردى الىپ قاراۋ قاجەت. مۇنىڭ بەرٸ ۋاقىت الادى. كوميسسييا قورىتىندىسى شىققان كەزدە حابارلانادى», دەدٸ ا.عينييات.
ونىڭ سٶزٸنە قاراعاندا, ٶتكەن جىلى جالپى رەسپۋبليكا بويىنشا انا مەن بالا ٶلٸم-جٸتٸمٸ بويىنشا ٶسٸم بولدى, بۇل كوروناۆيرۋس ٸندەتٸنٸڭ ٶرشۋٸنە بايلانىستى. بيىل ەلٸمٸزدە انا ٶلٸمٸ 50 پايىزعا ازايىپ وتىر. ال باتىس قازاقستان وبلىسىندا قايعىلى جاعدايلاردىڭ ورىن الۋى الاڭداتادى.
جالپى, ٶڭٸردە جٷكتٸ جەنە بوسانعان ەيەلدەرگە 17 مەديتسينالىق مەكەمە قىزمەت كٶرسەتەدٸ.
«بٷگٸن ورالداعى وبلىستىق پەريناتالدىق ورتالىقتىڭ جۇمىسىمەن تانىستىم. ٶڭٸردە دۇرىس جابدىقتالعان, حالىقارالىق تالاپتارعا ساي كەلەتٸن پەريناتالدىق ورتالىقتىڭ كەرەكتٸگٸ تالاس تۋعىزبايدى. قازٸرگٸ ورتالىقتىڭ جۇمىس دەڭگەيٸ تٶمەن ەكەنٸ كٶرٸنٸپ تۇر», دەدٸ دەنساۋلىق ساقتاۋ مينيسترٸ.
ونىڭ اتاپ ٶتكەنٸندەي, مەملەكەت باسشىسىنىڭ تاپسىرماسىنا سەيكەس ٶڭٸرگە جۇمىس ساپارى كەزٸندە ەكٸمدٸكتە وبلىستىڭ دەنساۋلىق ساقتاۋ سالاسىنىڭ ٶزەكتٸ مەسەلەلەرٸ تالقىلاندى.
«وبلىس ەكٸمدٸگٸ مەديتسينا سالاسى الدىندا تۇرعان مٸندەتتەردٸ شەشۋ باعىتىندا الداعى ٷش جىلعا ارنايى جوسپار جاساعان ەكەن. بٸرٸنشٸدەن, دەنساۋلىق ساقتاۋ نىساندارىنىڭ ماتەريالدىق-تەحنيكالىق بازاسىن نىعايتۋ. سونىمەن قاتار 2025 جىلعا دەيٸن جاڭادان 46 نىسان سالۋ ويلاستىرىلۋدا. ەكٸنشٸدەن, بٸلٸكتٸ كادرلارمەن قامتاماسىز ەتۋ. مىسالى, وبلىستا 270-تەن استام دەرٸگەر جەتٸسپەيدٸ. سوندىقتان جاس ماماندارمەن تولىقتىرۋ, ولاردى وقىتۋ, جەرگٸلٸكتٸ جەردە جاعداي جاساۋ اسا ماڭىزدى. مٸنە, وسىنداي كٶكەيكەستٸ مەسەلەلەردٸ شەشۋ ٷشٸن مينيسترلٸك تە ٶز تاراپىنان قولداۋ كٶرسەتەتٸن بولادى», دەپ تٷيٸندەدٸ سٶزٸن اجار عينييات.
