زەلەنوۆ اۋدانى ورتالىعى پەرەمەتنىي اۋىلىندا اۋداننىڭ اتاۋىن ٶزگەرتۋ جايىن تالقىلاعان جيىن ٶتتٸ.
كٶپشٸلٸك جەرگٸلٸكتٸ قوعامداستىق مٷشەلەرٸنٸڭ اراسىنان جيىن تٶراعاسى ەتٸپ پەرەمەتنىي مەكتەبٸنٸڭ ديرەكتورى مەلٸك ٶتەشەۆتٸ سايلادى.
ەل الدىندا ٷلكەن بەدەلگە يە مەلٸك سيسەنبايۇلى ەر تۇرعىننىڭ وي-پٸكٸرٸنٸڭ ماڭىزدىلىعىنا باسىمدىق بەردٸ.
اۋدان اتاۋىن ٶزگەرتۋ مەسەلەسٸن تالقىلاۋعا جينالعان قاۋىم ٶزٸندٸك وي-پٸكٸرلەرٸن ورتاعا سالىپ, قورىتىندىسىندا كٶپشٸلٸك اۋدان اتاۋىن قازٸرگٸ زامان تالابىنا ساي ٶزگەرتۋ قاجەتتٸگٸن العا تارتتى.
وعان قوسا, اۋداندىق دوستىق ٷيٸندە اۋداندىق مەسليحاتتىڭ بٸلٸم, دەنساۋلىق ساقتاۋ, ەلەۋمەتتٸك, مەدەني جەنە جاستار ساياساتى, ۇيىمداستىرۋ جەنە قۇقىق مەسەلەلەرٸ جٶنٸندەگٸ تۇراقتى كوميسسيياسىنىڭ زەلەنوۆ اۋدانىنىڭ اتاۋىن بەيتەرەك اۋدانى دەپ قايتا اتاۋعا بايلانىستى كٶپشٸلٸك تىڭداۋ بولىپ ٶتتٸ. تىڭدالىمعا اۋدان ەكٸمٸ اسحات شاحاروۆ, اۋداندىق مەسليحات دەپۋتاتتارى, اۋىلدىق وكرۋگ ەكٸمدەرٸ, قوعامدىق بٸرلەستٸكتەر ٶكٸلدەرٸ مەن تۇرعىندار قاتىستى.
- بيىل 11 قىركٷيەكتە اۋدان ەكٸمٸنە اۋداننىڭ «جاستىق-مولودوست» جاستار قوعامدىق بٸرلەستٸگٸ اتىنان اۋدان اتاۋىن زامان تالابىنا ساي قايتا قاراۋ تۋرالى ۇسىنىس تٷستٸ. وسىعان بايلانىستى اۋدان ەكٸمٸ اۋداندىق مەسليحات حاتشىسى رامازان يسماعۇلوۆتىڭ اتىنا اتالمىش مەسەلە بويىنشا اۋداندىق مەسليحاتتىڭ تۇراقتى كوميسسيياسىندا كٶپشٸلٸك تىڭداۋ ٶتكٸزۋ تۋرالى حات تٷسٸرگەن. وسىنىڭ نەگٸزٸندە اۋداندىق مەسليحات 14 قىركٷيەكتە اۋداندىق «اۋىل تىنىسى» گازەتٸندە اۋداندىق مەسليحاتتىڭ تۇراقتى كوميسسيياسىندا كٶپشٸلٸك تىڭداۋ ٶتكٸزۋ تۋرالى حابارلاما جارييالادى.
جوعارىدا ايتىلعانداي, 2018 جىلدىڭ 22 قىركٷيەگٸندە اۋدانىمىزدىڭ بارلىق اۋىلدىق وكرۋگتەرٸندە جەرگٸلٸكتٸ قوعامداستىق جينالىستارى ٶتتٸ. وعان جەرگٸلٸكتٸ قوعامداستىق مٷشەلەرٸنٸڭ 331-ٸ قاتىسىپ, 295-ٸ اۋداندى بەيتەرەك دەپ اتاۋدى ۇسىندى.
جەرگٸلٸكتٸ قوعامداستىق مٷشەلەرٸنٸڭ ۇسىنىسىن بٷگٸنگٸ مەسليحاتتىڭ تۇراقتى كوميسسيياسىندا كٶپشٸلٸك تىڭداۋعا ۇسىنامىن, - دەدٸ زەلەنوۆ اۋداندىق مەدەنيەت, تٸلدەردٸ دامىتۋ, دەنە شىنىقتىرۋ جەنە سپورت بٶلٸمٸنٸڭ باسشىسى راديك ىقىلاسوۆ.
اتالمىش ۇسىنىستى اۋداندىق كوميسسييا مٷشەلەرٸ بٸراۋىزدان ماقۇلدادى.
ايتا كەتۋ كەرەك, اۋدان اتاۋىن ٶزگەرتۋ قازاقستان رەسپۋبليكاسى «ەكٸمشٸلٸك-اۋماقتىق قۇرىلىسى تۋرالى» زاڭىنا جەنە «ەكٸمشٸلٸك اۋماقتىق بٸرلٸكتەرگە ەلدٸ مەكەندەردٸڭ قۇرامداس بٶلٸكتەرٸنە اتاۋ بەرۋ, ولاردى قايتا اتاۋ, سونداي-اق ولاردىڭ اتاۋلارىنىڭ ترانسكريپتسيياسىن ناقتىلاۋ مەن ٶزگەرتۋ كەزٸندە تيٸستٸ اۋماق حالقىنىڭ پٸكٸرٸن ەسكەرۋ قاعيدالارىن بەكٸتۋ تۋرالى» قر ٷكٸمەتٸنٸڭ 2014 جىلعى №138 قاۋلىسىنا سەيكەس جٷزەگە اسىرىلۋدا.
تٷگەلباي بيسەن,
نۇرلىبەك قىدىرعاليۇلى
zhaikpress.kz
