باتىس قازاقستان وبلىسىندا تاعى 6 مەديتسينا قىزمەتكەرٸنە كوروناۆيرۋس جۇققان. بۇل تۋرالى 1 مامىردا وبلىستىق جەدەل شتاب ٶكٸلدەرٸ حابارلادى. ايماقتا بارلىعى 28 مەديتسينا قىزمەتكەرٸنەن كوروناۆيرۋس تابىلعان. 152 ادامعا كوروناۆيرۋس جۇققان.
وبلىستىق دەنساۋلىق ساقتاۋ باسقارماسى قازٸر كارانتيندٸك ستاتسيونارلار مەن پروۆيزورلاردا تەكسەرۋ جۇمىستارى جٷرٸپ جاتقانىن حابارلادى.
"بٸز ناۋقاستاردى ستاتسيونارلارعا وقشاۋلايمىز. بۇل ايماقتا ۆيرۋستىڭ جايىلۋىنا جول بەرمەيدٸ. الايدا مەديتسينا قىزمەتكەرلەرٸنە دە ۆيرۋس جۇعىپ جاتىر. كوروناۆيرۋس - كەيبٸر ادامدار ويلايتىنداي ٶتٸرٸك نەرسە ەمەس. بۇل ٶتە قاۋٸپتٸ اۋرۋ جەنە پنەۆمونييا نەمەسە دەمٸگۋگە اينالماي تۇرىپ, ونى ەرتەرەك انىقتاپ العان دۇرىس" دەدٸ وبلىستىق دەنساۋلىق ساقتاۋ باسقارماسىنىڭ باسشىسى بولاتبەك كايۋپوۆ.
بۇعان دەيٸن دەنساۋلىق ساقتاۋ مينيسترلٸگٸ كوروناۆيرۋسپەن كٷرەسٸپ جاتقان دەرٸگەرلەردٸڭ جالاقىسىنا 250-850 مىڭ تەڭگە ارالىعىندا ٷستەمە اقى قوسىلاتىنىن, كەسٸبي مٸندەتٸن اتقارۋ كەزٸندە كوروناۆيرۋس جۇققان دەرٸگەرلەرگە 2 ملن تەڭگە كٶلەمٸندە ساقتاندىرۋ تٶلەمٸ بەرٸلەتٸنٸن ايتقان.
قازاقستاندا جٷزدەگەن دەرٸگەرگە كوروناۆيرۋس جۇققان. ولاردىڭ باسىم بٶلٸگٸ - الماتىدا. باس سانيتار دەرٸگەر نۇر-سۇلتان مەن شىمكەنتتە دە مەديتسينا قىزمەتكەرلەرٸنە ۆيرۋس جۇققانىن حابارلاعان.
قازاقستاندا بارلىعى 3556 ادامنان كوروناۆيرۋس تابىلعان. 25 ادام قايتىس بولعان. 900-گە جۋىق ادام جازىلعان.
