باتىس قازاقستان وبلىسىندا ٷشٸنشٸ توقساندا 11 قاڭتاردان باستاپ 393 وقۋشىدان كوروناۆيرۋس انىقتالدى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, سونىڭ 226-سى دەستٷرلٸ تٷردە, 167-سٸ قاشىقتان وقيدى.
نۇرلىبەك ەرمەكۇلىنىڭ سٶزٸنە قاراعاندا, 11-25 ناۋرىز ارالىعىندا قالا مەن اۋداندار باس مەملەكەتتٸك سانيتار دەرٸگەرلەرٸنٸڭ قاۋلىسىنا سەيكەس 8 مەكتەپتە 15 سىنىپ, وعان قوسا تاسقالا اۋدانىندا 1 مەكتەپ كارانتينگە جابىلدى.
جالپى, وقۋ جىلى باستالعاننان بەرٸ 608 شەكٸرتتەن (324-ٸ دەستٷرلٸ تٷردە, 284-ٸ قاشىقتان بٸلٸم الادى) ٸندەت تابىلدى.
وبلىستا 1 قاڭتار مەن 25 ناۋرىز ارالىعىندا 5376 ادامنىڭ اۋىرعانى تٸركەلدٸ. سونىڭ ٸشٸندە قاڭتاردا – 1837, اقپاندا – 1950, ناۋرىزدا 1589 ادام كوروناۆيرۋس جۇقتىردى.
ناۋرىز ايىندا ناۋقاستارمەن قارىم-قاتىناستا بولعان 3319 ادام مەديتسينالىق باقىلاۋعا الىندى.
سوڭعى اپتادا (19-25 ناۋرىز) الدىڭعى اپتامەن سالىستىرعاندا, اۋرۋ جۇقتىرۋ دەڭگەيٸ 20,8 پايىزعا (411-دەن 519-عا) ٶسكەن.
«وسى ايدا دەرتكە شالدىققانداردىڭ 570-ٸ نەمەسە 35,8 پايىزى – جۇمىس ٸستەيتٸندەر, 423-ٸ نەمەسە 26,6 پايىزى – زەينەتكەرلەر, 286-سى نەمەسە 17,9 پايىزى – جۇمىسسىزدار, 134-ٸ نەمەسە 8,4 پايىزى – وقۋشىلار, 52-سٸ نەمەسە 3,2 پايىزى – مەديتسينا قىزمەتكەرلەرٸ, 45-ٸ نەمەسە 2,8 پايىزى – مۇعالٸمدەر», دەدٸ ن.مۇستاەۆ.
سونداي-اق ناۋرىزدا مەملەكەتتٸك شەكارادان ٶتكەن 25032 ادامنىڭ 5581-ٸ – جولاۋشىلار. انىقتاماسىز ٶتكەن 621 جولاۋشىنىڭ ٸشٸنەن بٸر ادامنان كوروناۆيرۋس تابىلدى. حالىقارالىق جٷك تاسىمالىمەن اينالىساتىن 12637 جٷرگٸزۋشٸنٸڭ 3264-ٸندە انىقتاما بولعان جوق. بۇلاردىڭ ٷشەۋٸندە ٸندەت بار ەكەنٸ بەلگٸلٸ بولدى.
ٶڭٸردە مونيتورينگتٸك توپتار ناۋرىزدا 442 رەيد جٷرگٸزٸپ, 4793 نىساندى قامتىدى. ٷش نىساندا بۇزۋشىلىق انىقتالدى. 18 حاتتاما تولتىرىلىپ, 787590 تەڭگە ايىپپۇل سالىندى.
