باتىس قازاقستان وبلىسىندا تٶتەنشە جاعداي تالابىن بۇزعان 8 مەيرامحانا يەسٸ قاماققا الىندى, دەپ حابارلايدى "ۇلت اقپارات".
بقو پوليتسييا دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, بارلىعى 13 ەكٸمشٸلٸك ٸس قوزعالدى.
سونىڭ ٸشٸندە ٷش كەسٸپكەرگە ايىپپۇل سالىنسا, 8-ٸ قاماققا الىندى. تاعى ەكٸ ٸس قارالۋ ٷستٸندە.
مىسالى, ورال قالاسىندا «كٶركەم» مەيرامحاناسى 19 ناۋرىز كٷنٸ ساعات 22.00-دەن كەيٸن قىزمەتٸن توقتاتپاعان. ورال قالاسى مامانداندىرىلعان ەكٸمشٸلٸك سوتىنىڭ قاۋلىسىمەن قر ەكٸمشٸلٸك قۇقىق بۇزۋ كودەكسٸ 476-بابى 6-تارماعىنا سەيكەس مەيرامحانا يەسٸ 10 تەۋلٸككە قامالدى.
وسىنداي «قىزمەتٸ» ٷشٸن ورالداعى «ميستەر دونەر» كافەسٸ, «پيفكoff» سىرا بارى, اقجايىق اۋدانى چاپاەۆ اۋىلىنداعى «ارمان» كافەسٸ يەلەرٸ دە 10 تەۋلٸككە قاماققا الىندى. وسى اۋىلداعى «سمايل» كافەسٸنٸڭ يەسٸنە 2 تەۋلٸك ەكٸمشٸلٸك قاماققا الۋ جازاسى كەسٸلدٸ.
بەيتەرەك اۋدانى ميچۋرين اۋىلىنداعى «كەمپينگ ەۆرازييا» كافەسٸنٸڭ يەسٸ 13 تەۋلٸككە قامالدى.
ورالداعى «سۆەتلانا» كافەسٸنٸڭ يەسٸنە 10 اەك كٶلەمٸندە ايىپپۇل سالىندى.
بٶكەي ورداسى اۋدانى سايقىن اۋىلىنداعى «دۋمان» كافەسٸندە 23 ناۋرىز كٷنٸ 70-دەي ادام قاتىسقان قارالى جيىن بولعان. بۇل كافە يەسٸنە دە 10 اەك كٶلەمٸندە ايىپپۇل سالىندى.
ال جاڭاقالا اۋدانى جاڭاقالا اۋىلىنداعى «عايسا» مەيرامحاناسىندا 160 ادام قاتىسقان سالتاناتتى شارا ٶتكەن. جاڭاقالا اۋداندىق سوتىنىڭ قاۋلىسىمەن بۇل مەيرامحانا يەسٸ 3 تەۋلٸككە قامالدى.
بقو سوتىنىڭ باسپاسٶز قىزمەتٸ قاۋلىنىڭ زاڭدى كٷشٸنە ەنبەگەنٸن جەتكٸزدٸ.
ەسكە سالا كەتەيٸك, بۇدان بۇرىن بقو-دا 22 مىڭ ماسكانى الىپ كەتٸپ بارا جاتقان رەسەيلٸك ۇستالعانىن, 148 ادامنىڭ مەديتسينالىق باقىلاۋعا الىنعانىن جازعان بولاتىنبىز.
