باتىس قازاقستان وبلىسىندا توك سوعىپ, ەكٸ قولىنان ايىرىلعان بالا وقيعاسى بويىنشا قىلمىستىق ٸس قوزعالدى, دەپ حابارلايدى قازاقپارات.
بقو پوليتسييا دەپارتامەنتٸ باسپاسٶز قىزمەتٸنەن تٷسكەن مەلٸمەتكە قاراعاندا, قازٸرگٸ كەزدە اتالعان دەرەك بويىنشا قر قك 371-بابى 2-بٶلٸگٸنە (ابايسىزدا اۋىر زارداپتارعا ەكەپ سوققان سالعىرتتىق) سەيكەس سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
«اتالعان باپ بويىنشا كٸنەلٸ دەپ تانىلعان ادام بەلگٸلٸ بٸر لاۋازىمدى اتقارۋ نەمەسە بٸر قىزمەتپەن اينالىسۋ قۇقىعىنان ٷش جىلعا دەيٸنگٸ مەرزٸمگە ايىرا وتىرىپ, تٶرت مىڭ اەك-كە دەيٸنگٸ مٶلشەردە ايىپپۇل سالۋعا نە سول مٶلشەردە تٷزەۋ جۇمىستارىنا نە بٸر مىڭ ساعاتقا دەيٸنگٸ مەرزٸمگە باس بوستاندىعىن شەكتەۋگە نە سول مەرزٸمگە باس بوستاندىعىنان ايىرۋعا جازالانادى. تيٸستٸ ساراپتاما تاعايىندالدى. قورىتىندىسى كەيٸن بەلگٸلٸ بولادى», - دەپ حابارلادى ۆەدومستۆودان.
بقو ەكٸمٸنٸڭ باسپاسٶز قىزمەتٸنەن مەلٸم ەتكەنٸندەي, ٶڭٸر باسشىسى عالي ەسقاليەۆ اۋرۋحانادا جاتقان بالامەن كەزدەسٸپ, جاعدايىن بٸلدٸ.
بەس جاسار امانجول قازٸر باسىن كٶتەرٸپ, ٶز بەتٸنشە جٷرە الادى. جاس بالا پسيحولوگتاردىڭ باقىلاۋىنا الىندى.
اناسىمەن سٶيلەسۋ بارىسىندا وبلىس ەكٸمٸ: «مەسەلەنٸ ٶزٸمنٸڭ جەكە باقىلاۋىما الدىم. جاراقات ورنى پروتەزدٸ بەكٸتۋگە ىڭعايلى بولعان سوڭ, زاماناۋي پروتەز سالامىز. وتباسىڭىزعا جەرگٸلٸكتٸ بيلٸك تاراپىنان جان-جاقتى قولداۋ كٶرسەتەمٸز» - دەدٸ.
كەزدەسۋدەن سوڭ ع.ەسقاليەۆ ەلەكتر جەلٸسٸنە جەتەكشٸلٸك ەتەتٸن ورىنباسارى تەمٸرحان مەڭدٸعاليەۆكە, باتىس قازاقستان ايماقتىق ەلەكتر جەلٸلٸك كومپانيياسىنا وبلىس اۋماعىنداعى بارلىق ترانسفورماتورلاردىڭ قاۋٸپسٸزدٸگٸ, ولاردىڭ قورشالۋى, ەسٸكتەرٸنٸڭ كٸلتتەنۋٸ كەرەكتٸگٸ جٶنٸندە قاتاڭ تاپسىرما بەردٸ.
ەسكە سالا كەتەيٸك, بۇدان بۇرىن بقو-دا توك سوققان ەكٸ بالانىڭ اۋرۋحاناعا تٷسكەنٸن جازعان بولاتىنبىز.
