باتىس قازاقستان وبلىسىندا 30 سەۋٸر كٷنگٸ مەلٸمەت بويىنشا كوروناۆيرۋس جۇقتىرعان 8 ادام تٸركەلدٸ, دەپ حابارلايدى "ۇلت اقپارات".
بقو ەكٸمدٸگٸ مەلٸم ەتكەنٸندەي, ەكٸ ادامنىڭ بٸرٸ – رەسەيدە جۇمىس جاسايتىن 29 جاستاعى وبلىس تۇرعىنى, ەكٸنشٸسٸ – سول ەلدٸڭ جوعارى وقۋ ورنىندا وقيتىن شىمكەنت قالاسىنىڭ 18 جاستاعى تۇرعىنى.
ولار رەسەيمەن شەكتەسەتٸن «تاسقالا» جەنە «سىرىم» اۆتوٶتكەلدەرٸنەن ٶتكەن كەزدە دەنساۋلىقتارىنا شاعىمى بولماعان. الگوريتمگە سەيكەس جەدەل جەردەم شاقىرىلىپ, كارانتيندٸك ستاتسيونارعا جاتقىزىلعان كەزدە اۋرۋعا شالدىققانى انىقتالدى.
قالعان 6 ادام – مەديتسينا قىزمەتكەرٸ. ولاردىڭ بەرٸ كوروناۆيرۋس جۇقتىرۋ قاۋپٸ جوعارى مەديتسينا قىزمەتكەرٸ رەتٸندە تەكسەرٸلگەن بولاتىن.
سەگٸز ناۋقاس تا وبلىستىق جۇقپالى اۋرۋلار اۋرۋحاناسىنا ورنالاستىرىلدى. ولارمەن قارىم-قاتىناستا بولعان ادامدار انىقتالىپ, مەديتسينالىق باقىلاۋعا الىندى.
اۋرۋ وشاقتارىندا دەزينفەكتسييالىق جۇمىستار جٷرگٸزٸلدٸ.
وسىلايشا بقو-دا اۋىرعاندار سانى 146-عا جەتٸپ, سونىڭ 9-ى ەمدەلٸپ شىقتى.
بقو تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى مۇحامعالي ارىسپاەۆ وبلىستىق جۇقپالى اۋرۋلار اۋرۋحاناسى مەن كارانتيندٸك ستاتسيونارداعى دەرٸگەرلەر مەن مەدبيكەلەردٸڭ ٷيلەرٸنە بارماي, جاتاقحانا مەن قوناقٷيدە جاتىپ, قىزمەت اتقارىپ جٷرگەنٸن, ولاردىڭ ەر 14 كٷن سايىن سايىن سكيرينگتٸك تەكسەرۋدەن ٶتكٸزٸلٸپ جاتقانىن جەتكٸزدٸ.
«سونداي تەكسەرۋ قورىتىندىسى نەتيجەسٸندە سوڭعى ەكٸ تەۋلٸكتە 10 مەدبيكەنٸڭ اۋرۋ جۇقتىرعانى بەلگٸلٸ بولدى. ولارمەن قارىم-قاتىناستا بولعان 11 مەديتسينا قىزمەتكەرٸ كارانتيندٸك ستاتسيونارعا جاتقىزىلدى. مەديتسينا قىزمەتكەرلەرٸ الداعى ۋاقىتتا دا سكيرينگتٸك تەكسەرۋدەن ٶتەتٸن بولادى», دەدٸ م.ارىسپاەۆ.
وبلىستا تٸركەلگەن 146 ناۋقاستىڭ 119-ى نەمەسە 86 پايىزى – دەنٸ رەسەيدەن, سونداي-اق اتىراۋ وبلىسىنان كەلگەندەر, 26-سى – بۇرىن اۋىرعاندارمەن بايلانىستا بولعاندار. بٸر ناۋقاستىڭ قايدان جۇقتىرعانى انىقتالۋ ٷستٸندە.
«وبلىستىق جۇقپالى اۋرۋلار اۋرۋحاناسىندا ەمدەلٸپ جاتقان ناۋقاستاردىڭ 80 پايىزى جەڭٸل, قالعان 20 پايىزى ورتاشا اۋىر حالدە. 6 ەمدەلۋشٸدە پنەۆمونييا بولعانىمەن, تىنىس الۋى قالىپتى», دەدٸ وبلىستىق دەنساۋلىق ساقتاۋ باسقارماسىنىڭ باسشىسى بولاتبەك قايۋپوۆ.
ەسكە سالا كەتەيٸك, بۇدان بۇرىن بقو-دا كوروناۆيرۋس انىقتالعان 11 ناۋقاستىڭ جەتەۋٸ تٷركٸستان وبلىسىنىڭ تۇرعىندارى ەكەندٸگٸن جازعان بولاتىنبىز.
