باتىس قازاقستان وبلىسى بٶكەي ورداسى اۋدانىنىڭ سايقىن اۋىلىندا ەكٸنشٸ دٷنيەجٷزٸلٸك سوعىس كەزٸندە قازا تاپقان 15 جاۋىنگەردٸڭ سٷيەگٸ قايتا جەرلەندٸ, دەپ حابارلايدى "ۇلت اقپارات".
ساربازدار سٷيەكتەرٸ بيىل جازدا سايقىن اۋىلى ماڭىنداعى راۆنيننىي رازەزٸندە ٸزدەستٸرۋ جۇمىستارى كەزٸندە تابىلعان ەدٸ.
ون بەس جاۋىنگەردٸڭ سٷيەگٸ 2 قازان كٷنٸ 196-قىزىل تۋلى گاتچينسك اتقىشتار ديۆيزيياسىنىڭ باۋىرلاستار زيراتىندا جەر قوينىنا تاپسىرىلدى.
قازۋ جۇمىستارىن جٷرگٸزگەن تاسقالا اۋدانى مەرەي اۋىلىندا تۇراتىن م.مەمەتوۆا اتىنداعى ٸزدەستٸرۋ جاساعىنىڭ كومانديرٸ سەرگەي لاپشيننٸڭ ايتۋىنشا, كيتەل تٷيمەلەرٸندە زەكٸر بەلگٸلەنگەندٸكتەن, بوزداقتاردىڭ تەڭٸزشٸلەر ەكەندٸگٸ انىقتالدى. بٸراق مەدالوندارى بولماعاندىقتان, دەل كٸم ەكەندٸگٸن ايىرۋ ەزٸرگە مٷمكٸن ەمەس.
اۋداندىق بٸلٸم بەرۋ بٶلٸمٸنٸڭ باسشىسى جۇبان عۇماروۆتىڭ سٶزٸنە قاراعاندا, بۇل جاۋىنگەرلەر 1942 جىلى ستالينگراد مايدانىنا كٶمەككە جٸبەرٸلگەن 74-تەڭٸز اتقىشتار برياداسىنىڭ ساربازدارى دەپ ايتۋعا بولادى. بومبا تٷسٸپ, دەل وسى جەردە قازا تاپقان 37 جاۋىنگەردٸڭ تٸزٸمٸ بەلگٸلٸ. شامامەن 18-22 جاس ارالىعىنداعى 15 بوزداق تا سولاردىڭ ٸشٸندە. بولاشاقتا ولاردىڭ اتى-جٶنٸن انىقتاپ, ەسكەرتكٸش تاقتا ورناتۋ, سونىمەن قاتار قازبا جۇمىستارىن جالعاستىرۋ كٶزدەلۋدە.
2 قازان سونداي-اق بٶكەي ورداسى اۋدانىنان تٷلەپ ۇشقان كەڭەس وداعىنىڭ باتىرى مەنشٷك مەمەتوۆانىڭ تۋعان كٷنٸ بولعاندىقتان, ونىڭ ەسكەرتكٸشٸنە گٷل شوقتارى قويىلدى.
«مەنشٷك اپامىز نەبەرٸ 21 جاسىندا قازا تاپسا, 15 جاۋىنگەر دە ونىڭ تۇرعىلاستارى ەدٸ. وسىنداي ٶرٸمدەي جاستاردىڭ ەلدٸ قورعاۋ جولىندا جان بەرگەنٸن بٸز, كەيٸنگٸ ۇرپاق ۇمىتۋعا تيٸستٸ ەمەسپٸز. ستالينگراد مايدانى تيٸپ تۇرعاندىقتان, بٸزدٸڭ اۋدان سوعىس جاعدايىندا دەپ جارييالاندى. جاۋ تەمٸرجول بويىن ٷزدٸكسٸز بومبالاپ جاتتى, جاۋىنگەرلەرمەن قاتار تۇرعىندار دا وققا ۇشتى. الداعى جىلى جەڭٸسكە 75 جىل تولادى. وسى ورايدا اعا بۋىن ەرلٸگٸ مەڭگٸ ٷلگٸ بولىپ قالا بەرمەك», - دەدٸ اۋدان ەكٸمٸ نۇرلان راحىمجانوۆ.
