باتىس قازاقستان وبلىسىندا پوليتسييا ينسپەكتورى سۋعا كەتكەن ەكٸ بالانى قۇتقارىپ قالدى, دەپ حابارلايدى استانا تەلەارناسى.
تەلەارنا مەلٸمەتٸنشە, بەس-التى جاستاعى بالالار اۋىل شەتٸندەگٸ كانالدان بالىق اۋلاماق بولعان. كەيٸن قارماققا قۇرت ٸزدەگەن بٸرەۋٸ سۋعا سەكٸرٸپتٸ. دوسىنا ٸلەسكەن تاعى بٸر بٷلدٸرشٸن جاعاعا كەرٸ شىعا الماي قالعان. ولاردىڭ سۋعا باتىپ بارا جاتقانىن بايقاعان پوليتسييا ينسپەكتورى كٶمەككە ۇمتىلعان.
"بٸر بالا سۋعا باتىپ بارا جاتقانىن, ەكٸنشٸسٸ جاعاعا شىعا الماي جانتالاسىپ جٷرگەنٸن بايقادىم. دەرەۋ شەشٸنٸپ سۋعا سەكٸردٸم. بٸرٸنشٸ بالانى بٸردەن جاعاعا شىعاردىم. سۋدان الىپ شىققان ەكٸنشٸ بالانىڭ دەمٸ جوق بولدى. بٸراق جٷرەگٸنە ماسساج جاساپ, العاشقى كٶمەك كٶرسەتتٸم. بۇل كەزدە ەسٸن جيىپ العان بالالاردىڭ بٸرٸ ۆەليگٸنە مٸنٸپ الىپ, اۋىلعا قاشىپ كەتتٸ" - دەيدٸ تەرتٸپ ساقشىسى ەرجان قۋانىشەۆ.
تاعدىرى قىل ٷستٸندە تۇرعان بالالاردى اجالدان قۇتقارعان تەرتٸپ ساقشىسىنا اۋىلدىقتاردىڭ العىسى شەكسٸز. ٶيتكەنٸ اۋىلدىڭ شەتٸندەگٸ بۇل كانال تەرەڭ كٶرٸنەدٸ.
"بٸز بۇلاردىڭ سۋعا بارعانىن بٸلمەيمٸز. ٶزدەرٸ ويناپ جٷرگەن - بەس-التى بالا, جولداس بالالارى. ٶزٸمٸز ٷيدەن بٸرٸنشٸ كٶمەك جاسادىق. سپيرتپەن ىسقىلادىق, جاقسى بولىپ كەتتٸ, سوسىن قۇستى ەكٸ ساعاتتان كەيٸن, جاقسى تەرلەدٸ" - دەيدٸ بالالاردىڭ بٸرٸنٸڭ اتاسى قۋاندىق ەبدٸعاليەۆ.
