شىڭعىرلاۋ اۋداندىق سوتىندا بۇرىنعى پوليتسييا قىزمەتكەرٸ ميرلان اقنۇروۆقا قاتىستى ٷكٸم شىقتى, دەپ حابارلايدى قازاقپارات.
بقو سوتىنىڭ باسپاسٶز قىزمەتٸنەن تٷسكەن مەلٸمەتكە قاراعاندا, م.اقنۇروۆ قر قك 366-بابى 2-بٶلٸگٸنە سەيكەس ايىپتى دەپ تانىلىپ, پارانىڭ 50 ەسەلەنگەن مٶلشەرٸندە 3 ملن 950 مىڭ تەڭگە ايىپپۇل سالىندى.
ايىپپۇل سوت ٷكٸمٸ كٷشٸنە ەنگەننەن كەيٸن بٸر اي ٸشٸندە تٶلەنۋٸ كەرەك.
ول سونداي-اق مەملەكەتتٸك قىزمەتتە جەنە باسقا ورگانداردا قىزمەت اتقارۋ قۇقىعىنان ٶمٸر بويىنا ايىرىلىپ, پوليتسييا كاپيتانى شەنٸمەن دە قوشتاستى.
سوت تالقىسىندا مەلٸم بولعانىنداي, شىڭعىرلاۋ اۋدانى پوليتسييا بٶلٸمٸندە اعا مەملەكەتتٸك اۆتوينسپەكتور قىزمەتٸن اتقارىپ جٷرگەن م.اقنۇروۆ بيىلعى مامىر ايىندا شىڭعىرلاۋ اۋىلىندا ٷش قاباتتى كٶپپەتەرلٸك ٷيدٸڭ سالىنا باستاعانىن, وعان قۇرىلىس ماتەريالدارى جەتكٸزٸلٸپ جاتقانىن بٸلەدٸ.
سودان كەيٸن قىزمەت بابىن پايدالانا وتىرىپ, ٶز ٷيٸن تۇرعىزۋ ٷشٸن مەردٸگەر ۇيىم ٶكٸلدەرٸنەن قۇرىلىس ماتەريالدارىن پارا رەتٸندە الماق بولىپ, جوسپار قۇرادى. سول ماقساتتا اتالعان نىسانعا كەتٸپ بارا جاتقان ارنايى كٶلٸكتەردٸ توقتاتىپ, حاتتاما تولتىرادى. سٶيتٸپ كەسٸپكەرلٸك ٶكٸلدەرٸنە قىسىم جاساپ, ٶزٸنە كٶمەككە جٷگٸنۋگە مەجبٷرلەيدٸ.
م.اقنۇروۆ 18 مامىر كٷنٸ اقساي قالاسىنان 16 توننا كاتوك ەكەلە جاتقان جٷرگٸزۋشٸگە حاتتاما تولتىرىپ, ونى تٷسكە دەيٸن ۇستايدى. سول كٷنٸ ول جٷرگٸزۋشٸگە كٶمەككە كەلگەن «ورال قۇرىلىس» جشس ٶكٸلٸ ە.شاريپوۆپەن تانىسادى.
23 مامىر كٷنٸ شاريپوۆپەن كەزدەسۋ بارىسىندا قيىرشىق تاس-قۇم قوسپاسى جەنە باسقا قۇرىلىس ماتەريالدارى تيەلگەن ەربٸر التىنشى رەيستٸڭ ٶز ٷيٸ سالىنىپ جاتقان جەر تەلٸمٸنە جەتكٸزٸلۋٸ كەرەكتٸگٸن ايتادى. كەلەسٸ كٷنٸ شاريپوۆ ونىڭ تالابىن ورىنداپ, قۇنى 6 مىڭ تەڭگە 20 توننا قيىرشىق تاس-قۇم قوسپاسىن پوليتسييا قىزمەتكەرٸنٸڭ اۋلاسىنا تٷسٸرەدٸ.
ە.شاريپوۆ م.اقنۇروۆتىڭ تالاپتارىنىڭ زاڭسىز ەكەندٸگٸن تٷسٸنٸپ, بقو بويىنشا سىبايلاس جەمقورلىققا قارسى قىزمەتكە جٷگٸنگەن.
سودان كەيٸن م.اقنۇروۆ قۇنى 73 مىڭ تەڭگە تۇراتىن 2 توننا تسەمەنتتٸ جەتكٸزۋدٸ تالاپ ەتٸپ, ونى دا الادى. وسىلايشا ول جالپى قۇنى 79 مىڭ تەڭگە تۇراتىن قۇرىلىس ماتەريالدارىنا قول جەتكٸزگەن.
سوت ٷكٸمٸ كٷشٸنە ەنگەن جوق.
