باتىس قازاقستان وبلىسىندا سۋ تاسقىنىنا قارسى جۇمىستارعا تٶتەنشە جاعدايلار دەپارتامەنتٸ, جەرگٸلٸكتٸ اتقارۋشى ورگاندار, قورعانىس مينيسترلٸگٸ, ۇلتتىق ۇلان جەنە ٸشكٸ ٸستەر مينيسترلٸگٸنەن 998 ادام (300 تەحنيكا, 124 موتوپومپا) جۇمىلدىرىلدى.
بقو تجد باسپاسٶز قىزمەتٸنەن مەلٸم ەتكەنٸندەي, بٷگٸن تٷندە ٶڭٸرگە ماڭعىستاۋ وبلىسى تٶتەنشە جاعدايلار دەپارتامەنتٸنٸڭ جەكە قۇرامىنان 46 ادام 5 تەحنيكا, 8 موتوپومپا جەنە 2 قايىقپەن كٶمەككە كەلدٸ. ولار ورال قالاسى جەنە بٶرلٸ اۋدانىنداعى سۋ تاسقىنى زارداپتارىن جويۋعا تارتىلدى.
وبلىس بويىنشا 25 ناۋرىزدان بەرٸ 453 مىڭ تەكشە مەتر قار سۋى سورىلىپ, ينەرتتٸ ماتەريالدارمەن 42 950 قاپ تٶسەلدٸ.
«قازٸرگٸ كەزگە دەيٸن بارلىعى 455 تۇرعىن ٷي سۋ استىندا قالدى. بٶرلٸ اۋدانىنىڭ اقسۋ اۋىلىندا 161 ادام ەۆاكۋاتسييالاندى. سونداي-اق كەشە قر قورعانىس مينيسترلٸگٸنٸڭ ەكٸ تٸكۇشاعىمەن قاراتٶبە اۋدانىنىڭ 271 تۇرعىنى قاۋٸپسٸز جەرگە كٶشٸرٸلدٸ. وسى ۋاقىتتا قاراتٶبە اۋدانىندا ەۆاكۋاتسييالىق جۇمىستار جالعاسۋدا. تەرەكتٸ اۋدانىندا ينجەنەرلٸك جۇمىستار جٷرگٸزٸلۋدە, ال سىرىم اۋدانىندا ەرٸگەن قار سۋى سورىلۋدا. ورال قالاسىندا, قاراتٶبە, سىرىم, بٶرلٸ جەنە تەرەكتٸ اۋداندارىندا جەرگٸلٸكتٸ اۋقىمدا تابيعي سيپاتتاعى تٶتەنشە جاعداي جارييالانۋىنا بايلانىستى قاجەتتٸ ٸس-شارالار الىنۋدا», - دەپ حابارلادى ۆەدومستۆودان.
ەسكە سالا كەتەيٸك, بۇدان بۇرىن بقو-دا شىڭعىرلاۋ ٶزەنٸ ارناسىنان اسىپ, بٸر اۋىلعا سۋ كٸرگەنٸن جازعان بولاتىنبىز.
