Batys Qazaqstan oblysynda sý tasqynyna qarsy jumystarǵa tótenshe jaǵdailar departamenti, jergilikti atqarýshy organdar, Qorǵanys ministrligi, Ulttyq ulan jáne Ishki ister ministrliginen 998 adam (300 tehnika, 124 motopompa) jumyldyryldy.
BQO TJD baspasóz qyzmetinen málim etkenindei, búgin túnde óńirge Mańǵystaý oblysy tótenshe jaǵdailar departamentiniń jeke quramynan 46 adam 5 tehnika, 8 motopompa jáne 2 qaiyqpen kómekke keldi. Olar Oral qalasy jáne Bórli aýdanyndaǵy sý tasqyny zardaptaryn joiýǵa tartyldy.
Oblys boiynsha 25 naýryzdan beri 453 myń tekshe metr qar sýy sorylyp, inertti materialdarmen 42 950 qap tóseldi.
«Qazirgi kezge deiin barlyǵy 455 turǵyn úi sý astynda qaldy. Bórli aýdanynyń Aqsý aýylynda 161 adam evakýatsiialandy. Sondai-aq keshe QR Qorǵanys ministrliginiń eki tikushaǵymen Qaratóbe aýdanynyń 271 turǵyny qaýipsiz jerge kóshirildi. Osy ýaqytta Qaratóbe aýdanynda evakýatsiialyq jumystar jalǵasýda. Terekti aýdanynda injenerlik jumystar júrgizilýde, al Syrym aýdanynda erigen qar sýy sorylýda. Oral qalasynda, Qaratóbe, Syrym, Bórli jáne Terekti aýdandarynda jergilikti aýqymda tabiǵi sipattaǵy tótenshe jaǵdai jariialanýyna bailanysty qajetti is-sharalar alynýda», - dep habarlady vedomstvodan.
Eske sala keteiik, budan buryn BQO-da Shyńǵyrlaý ózeni arnasynan asyp, bir aýylǵa sý kirgenin jazǵan bolatynbyz.
