باتىس قازاقستان وبلىسىندا كوروناۆيرۋس جۇقتىرعان ەكٸ جاسار بالانىڭ جاعدايى ٶتە اۋىر, دەپ حابارلايدى "ۇلت اقپارات".
وبلىستىق جۇقپالى اۋرۋلار اۋرۋحاناسىنىڭ ديرەكتورى نادييا احمەتوۆانىڭ ايتۋىنشا, سەبي جاساندى تىنىس الۋ اپپاراتىنا قوسىلعان.
اۋرۋحانادا اپپاراتقا قوسىلعان تاعى ٷش ادام اۋىر حالدە. قازٸرگٸ تاڭدا مۇندا 132 ناۋقاس ەم الۋدا.
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وبلىستا بارلىعى 376 ادام كوروناۆيرۋستان ەمدەلٸپ جاتسا, 316-سى جازىلىپ شىقتى.
سونداي-اق 20 ادام پروۆيزورلىق, 165 ادام كارانتيندٸك ستاتسيوناردا جاتىر, ٷيٸندە وقشاۋلانعان 1266 ادام دەرٸگەرلەردٸڭ باقىلاۋىندا.
ٶڭٸردە سوڭعى تٸركەلگەن 27 ناۋقاستىڭ ەكەۋٸ – رەسەيدە جۇمىس ٸستەيتٸن تٷركٸستان وبلىسىنىڭ تۇرعىندارى. سامارا وبلىسىمەن شەكتەسەتٸن «سىرىم» اۆتوٶتكەلٸنەن ٶتكەننەن كەيٸن ولار كارانتيندٸك ستاتسيونارعا جاتقىزىلعان.
بۇرىن كوروناۆيرۋسقا شالدىققاندارمەن قارىم-قاتىناستا بولعان وبلىستىڭ 19 تۇرعىنىنان اۋرۋ انىقتالدى. سونىمەن قاتار التى ادامنان پروفيلاكتيكالىق ماقساتتا سىناما الىنعان, ولاردىڭ ەكەۋٸ – مەديتسينا قىزمەتكەرلەرٸ.
وسىلايشا, اۋىرعانداردىڭ جالپى سانى 692-گە جەتتٸ. وبلىستا ٸندەتكە قارسى كٷرەس جالعاسۋدا.
ەسكە سالا كەتەيٸك, بۇدان بۇرىن ورالدا ٷش ناۋقاستىڭ ٶكپەنٸ جاساندى جەلدەتۋ اپپاراتىنا قوسىلعانىن جازعان بولاتىنبىز.
