Batys Qazaqstan oblysynda koronavirýs juqtyrǵan eki jasar balanyń jaǵdaiy óte aýyr, dep habarlaidy "Ult aqparat".
Oblystyq juqpaly aýrýlar aýrýhanasynyń direktory Nadiia Ahmetovanyń aitýynsha, sábi jasandy tynys alý apparatyna qosylǵan.
Aýrýhanada apparatqa qosylǵan taǵy úsh adam aýyr halde. Qazirgi tańda munda 132 naýqas em alýda.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindei, oblysta barlyǵy 376 adam koronavirýstan emdelip jatsa, 316-sy jazylyp shyqty.
Sondai-aq 20 adam provizorlyq, 165 adam karantindik statsionarda jatyr, úiinde oqshaýlanǵan 1266 adam dárigerlerdiń baqylaýynda.
Óńirde sońǵy tirkelgen 27 naýqastyń ekeýi – Reseide jumys isteitin Túrkistan oblysynyń turǵyndary. Samara oblysymen shektesetin «Syrym» avtoótkelinen ótkennen keiin olar karantindik statsionarǵa jatqyzylǵan.
Buryn koronavirýsqa shaldyqqandarmen qarym-qatynasta bolǵan oblystyń 19 turǵynynan aýrý anyqtaldy. Sonymen qatar alty adamnan profilaktikalyq maqsatta synama alynǵan, olardyń ekeýi – meditsina qyzmetkerleri.
Osylaisha, aýyrǵandardyń jalpy sany 692-ge jetti. Oblysta indetke qarsy kúres jalǵasýda.
Eske sala keteiik, budan buryn Oralda úsh naýqastyń ókpeni jasandy jeldetý apparatyna qosylǵanyn jazǵan bolatynbyz.
