باتىس قازاقستان وبلىسىندا گاز اۋا قوسپاسى جارىلىپ, ەكٸ ادام كٷيٸك جاراقاتىن الدى, دەپ حابارلايدى قازاقپارات.
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 3 جەلتوقسان كٷنٸ ساعات 20.15-تە كازتالوۆ اۋدانى تالدىقۇدىق اۋىلىندا بولدى.
جەكە ٷيگە «كازگيد» جشس گاز شارۋاشىلىعى قىزمەتكەرلەرٸ گاز پەشٸن ورناتىپ جاتقان كەزدە جارىلىس بولدى.
سونىڭ سالدارىنان قوسىمشا قۇرىلىستىڭ تٶبەسٸ قيراپ, تەرەزە ەينەكتەرٸ بىت-شىت بولدى.
گاز اۋا قوسپاسىنىڭ جارىلۋىنان ورال قالاسىندا تۇراتىن 29 جاستاعى قىزمەتكەر - 25 پايىز, 28 جاستاعى جٸگٸت 15 پايىز كٷيٸك جاراقاتىن الدى. ولاردىڭ ەكەۋٸ دە جەدەل جەردەم كٶلٸگٸمەن جالپاقتال اۋىلىنداعى اۋرۋحاناعا جەتكٸزٸلدٸ.
قازٸرگٸ كەزدە وقيعانىڭ جاي-جاپسارى انىقتالۋ ٷستٸندە.
