باتىس قازاقستان وبلىسىندا 2022 جىلدىڭ بٸرٸنشٸ كٷنٸ ٷش جول اپاتى تٸركەلدٸ. اپاتتان التى ادام قايتىس بولدى, ٸشٸندە كەمەلەتكە تولماعان بٸر بالا بار. تاعى بٸرنەشە ادام زارداپ شەكتٸ, - دەپ حابارلايدى Tengrinews.kz تٸلشٸسٸ.
ورال-اتىراۋ تاسجولىندا بٸر جول اپاتى بولدى. وقيعا سالدارىنان بالا زارداپ شەككەن, ول كومادا جاتىر.
ەكٸنشٸ جول اپاتى سامارا-شىمكەنت تاسجولىنىڭ 313-شاقىرىمىندا بولدى, Toyota Prado مەن ۆاز 2112 سوقتىعىستى. وقيعا سالدارىنان 4 ادام قايتىس بولدى, زارداپ شەككەندەر اۋرۋحاناعا تٷستٸ.
ٷشٸنشٸ وقيعا دەركٶل اۋىلى ماڭىنداعى اينالما جولدا بولدى. Hyundai Santa Fe مەن Volkswagen Polo اۆتوكٶلٸكتەرٸ سوقتىعىستى. جول اپاتى سالدارىنان اۋرۋحاناعا بارار جولدا ەسٸن جيماستان 9 جاستاعى بالا كٶز جۇمدى.
"وقيعا ورنىندا پوليتسييا قىزمەتكەرلەرٸ جۇمىس ٸستەيدٸ. وقيعانىڭ سەبەبٸ مەن مەن-جايى انىقتالىپ جاتىر. بۇل دەرەككە قاتىستى قىلمىستىق كودەكستٸڭ 345-بابى "كٶلٸك قۇرالدارىن باسقاراتىن ادامداردىڭ جول قوزعالىسى نەمەسە كٶلٸك قۇرالدارىن پايدالانۋ ەرەجەلەرٸن بۇزۋى" بويىنشا سوتقا دەيٸنگٸ تەرگەۋ باستالدى", - دەپ مەلٸمدەدٸ بقو پوليتسييا دەپارتامەنتٸ ٶكٸلٸ.
پوليتسييا قىزمەتكەرلەرٸ جٷرگٸزۋشٸلەردەن ەلدٸ مەكەندەردەن تىس جەرلەرگە شىقپاۋدى سۇرايدى. ٶڭٸردە بۇرقاسىن مەن كٶكتايعاققا بايلانىستى ەسكەرتۋ جارييالاندى.
