ۆولوداركا اۋىلىنا اپاراتىن جول. بقو, بەيتەرەك اۋدانى, 2021 جىل.
باتىس قازاقستان وبلىسىندا حالىققا ٶز ەسەبٸنەن جٶندەۋگە تىيىم سالىنعان اۋىلعا كٸرەبەرٸستەگٸ جول سول كٷيٸنشە جٶندەلمەي قالعان, دەپ حابارلايدى ازاتتىق.
وبلىس ورتالىعى ورالدان جاقىن ورنالاسقان ۆولوداركا اۋىلىنا كٸرمە جولدى وسى جازدا حالىق ٶزٸ جٶندەۋگە تىرىسقان. تۇرعىنداردىڭ جوسپارىن ەستٸگەن بيلٸك وقيعا ورنىنا ارنايى تەحنيكانى جٸبەرٸپ, وي-شۇڭقىرلاردى بٸتەۋگە ۋەدە بەرگەن. ارتىنشا ول جاققا ەكٸنشٸ سورتتى اسفالتتى ەكەلٸپ, وي-شۇڭقىرلارىن بٸتەۋگە تىرىسقان.
سودان بەرٸ ەكٸ اي ٶتتٸ. بٸراق تۇرعىنداردىڭ سٶزٸنشە, جول وي-شۇڭقىرى كٶپ سول بەز-باياعى قالپىنا تٷسكەن. ال حالىققا ونى جٶندەۋگە تىيىم سالعان.
— شٸلدە ايىندا بٸزگە جول جٶندەۋگە تىيىم سالعاننان كەيٸن سول جاققا تەحنيكا كەلٸپ, بارلىق شۇڭقىرلاردى ەكٸنشٸ سورتتاعى اسفالتپەن بٸتەگەن بولدى. بٸراق جول ساپاسىز جٶندەلگەندٸكتەن, قازٸر جولدا شۇڭقىر كٶپ, — دەيدٸ اۋىل بەلسەندٸسٸ ۆەرا يۆانوۆا.
ونىڭ ايتۋىنشا, جەرگٸلٸكتٸ بيلٸك جول جٶندەۋ جوباسىن تەك كەلەسٸ جىلى قاراستىراتىنىن ايتقان.
— ەكٸمدٸككە حات جازعاننان كەيٸن بٸزگە جول جٶندەۋ جوباسى تەك كەلەسٸ جىلى عانا جوسپارعا ەنەتٸنٸن ايتتى. وندا دا جولدىڭ ناقتى قاشان جٶندەلەتٸنٸ بەلگٸسٸز. ماعان جول جٶندەۋگە اقشا جيناما, ەيتپەسە ەكٸمشٸلٸك جاۋاپقا تارتىلاسىڭ دەپ ەسكەرتتٸ, — دەيدٸ ۆەرا يۆانوۆا.
اۋداندىق تۇرعىن ٷي-كوممۋنالدى شارۋاشىلىق بٶلٸمٸنٸڭ ازاتتىققا جٸبەرگەن جاۋابىندا بيلٸك ٶكٸلدەرٸ "جازدا جولعا جٶندەۋ جٷرگٸزٸلگەنٸن" اتاپ ٶتەدٸ. بۇعان دەيٸن ەكٸمدٸك جازداعى "رەمونتتىڭ" بيۋدجەت ەسەبٸنەن جٷرگٸزٸلگەنٸن ايتقان. بۇل جولعى جاۋابىندا جازعى جٶندەۋ جۇمىستارى جەكە "اسفا" فيرماسىنىڭ دەمەۋشٸلٸگٸ ارقىلى جٷزەگە اسىرىلدى دەپ جازىلعان. وندا جٶندەۋ جوباسىنىڭ نوبايى كەلەسٸ جىلى ەزٸرلەنەتٸنٸ كٶرسەتٸلگەن.
ۆولوداركا اۋىلىنىڭ تۇرعىندارى جول جٶندەۋدٸ بيىل ماۋسىمدا باستاعان. ونىڭ الدىندا تۇرعىندار اۋدان ەكٸمدٸگٸنە تالاي رەت بارىپ, شاعىمدانعان. اقپاراتقا قاراعاندا, اۋىل جولى شامامەن 30 جىل بۇرىن سالىنعان, سودان بەرٸ بٸردە-بٸر رەت جٶندەۋ كٶرمەگەن.
