باتىس قازاقستان وبلىسىندا 40 مىڭداي تۇرعىنعا كوممۋنالدىق جەڭٸلدٸك كٶرسەتٸلەدٸ, دەپ حابارلايدى "ۇلت اقپارات".
وبلىس ەكٸمٸ عالي ەسقاليەۆتٸڭ مەلٸم ەتكەنٸندەي, مەملەكەت باسشىسىنىڭ تاپسىرماسىنا سەيكەس تٶتەنشە جاعداي مەن كارانتين ۋاقىتىندا جەڭٸلدٸك الاتىن ساناتتارعا جاتاتىن, كوممۋنالدىق قىزمەت جەتكٸزۋشٸلەرمەن كەلٸسٸمشارتى بار تۇتىنۋشىلار ٷشٸن ايىنا 15 مىڭ تەڭگە تٶلەۋ قاراستىرىلعان بولاتىن.
«سوڭعى كەزدە وسى جەڭٸلدٸككە قاتىستى ساۋال جيٸ تٷسۋدە. كوممۋنالدىق تٶلەم ٷشٸن 15 مىڭ تەڭگە تۇرعىنداردىڭ ەمەس, كوممۋنالدىق مەكەمەلەردٸڭ شوتىنا اۋدارىلادى. مىسالى, سەۋٸر ايى ٷشٸن تٷبٸرتەك 10 مامىرعا دەيٸن كەلەدٸ. سوعان دەيٸن كوممۋنالدىق تٶلەم تٶلەنەدٸ. وبلىستا جەڭٸلدٸك الاتىن ساناتتارعا جاتاتىن 39-40 مىڭداي تۇرعىن بار», دەدٸ ٶڭٸر باسشىسى.
ورال قالاسى ەكٸمدٸگٸنەن تٷسكەن مەلٸمەتكە قاراعاندا, اتالعان جەڭٸلدٸكتٸ ٸ, ٸٸ, ٸٸٸ توپ مٷگەدەكتەرٸ, مٷگەدەك بالالاردى تەربيەلەپ وتىرعان وتباسىلار, كٶپبالالى وتباسىلار, ەكٸنشٸ دٷنيەجٷزٸلٸك سوعىستىڭ مٷگەدەكتەرٸ مەن قاتىسۋشىلارى جەنە وعان تەڭەستٸرٸلگەن تۇلعالار پايدالانا الادى.
سونداي-اق مەملەكەتتٸك نەمەسە قوعامدىق مٸندەتتەرٸن, ەسكەري قىزمەتٸن ورىنداۋ, عارىش كەڭٸستٸگٸنە ۇشۋعا دايىندىق نەمەسە ۇشۋ كەزٸندە, ادام ٶمٸرٸن قۇتقارۋ جەنە قۇقىق تەرتٸبٸن ساقتاۋ كەزٸندە قازا تاپقان تۇلعالاردىڭ وتباسىلارى, تٶمەن جەنە ودان از زەينەتاقى الاتىندار, اتاۋلى ەلەۋمەتتٸك كٶمەك الاتىن ازاماتتار, سونىڭ ٸشٸندە جالعىزباستى زەينەتكەرلەر ٶتٸنٸم بەرە الادى.
تٶلەمدٸ الۋ ٷشٸن تۇتىنۋشى اقپاراتتىق جٷيەلەر (ەلەكتروندى پوشتا: 15000@uralsk.kz) نەمەسە call-ورتالىق (109, 500-255, 8-771-068-58-53, 8-771-068-58-63) ارقىلى جەكە سەيكەستەندٸرۋ نٶمٸرٸن, ەلەۋمەتتٸك دەرەجەسٸن كٶرسەتە وتىرىپ, ەكٸمدٸككە ٶتٸنٸم بەرۋٸ كەرەك.
ەكٸمدٸك ۇسىنىلعان دەرەكتەردٸ تەكسەرٸپ, مەلٸمەتتەر راس بولعان جاعدايدا تٶلەماقى اۋدارىلادى.
ەسكە سالا كەتەيٸك, بۇدان بۇرىن باتىس قازاقستاندا كوممۋنالدىق قىزمەتتەر باعاسى تٶمەندەگەنٸن جازعان بولاتىنبىز.
