سۋرەت: pixabay
پوليتسييا بقو-داعى ارالتٶبە اۋىلىنىڭ تۇرعىندارىن اتىس قارۋىمەن جاراقاتتاعان كٷدٸكتٸنٸ ۇستادى, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
ٸٸم باسپاسٶز قىزمەتٸنٸڭ مەلٸمەتٸنشە, 5 قىركٷيەكتە سىرىم اۋدانى ارالتٶبە اۋىلىندا الكوگولدٸك ٸشٸمدٸك ٸشكەن, ماس كٷيدەگٸ شارۋا قوجالىعىنىڭ باسشىسى مەن اۋىل تۇرعىنىنىڭ اراسىندا جانجال تۋىپ, ارتى تٶبەلەسكە ۇلاسقان.
سول سەتتە قوجالىق باسشىسى ٶزٸنٸڭ Lexus اۆتوكٶلٸگٸنەن ەيەلٸنٸڭ اتىنا تٸركەلگەن اڭشى مىلتىعىن الىپ, بٸرنەشە رەت جانىنداعى ەر ادامعا قاراي وق اتقان.
اۋىل تۇرعىنىنىڭ سول جاق جانباسىنا جەنە اياعىنا جاراقات كەلتٸرٸلگەن. سونداي-اق 59 جاستاعى ەيەل مەن ونىڭ كٸشكەنتاي نەمەرەسٸ اتىس قارۋىنان جاراقاتتانعان.
اسا اۋىر قىلمىس جاساعاننان كەيٸن كٷدٸكتٸ وقيعا ورنىنان ٶز اۆتوكٶلٸگٸمەن بوي تاسالاعان.
"سول كٷنٸ ادام ٶلتٸرۋگە وقتالۋ فاكتٸسٸ بويىنشا قىلمىستىق كودەكستٸڭ 24-بابى 3-بٶلٸگٸنە, 99-بابى 1-بٶلٸگٸنە سەيكەس سوتقا دەيٸنگٸ تەرگەپ-تەكسەرۋ باستالدى.
پوليتسييا دەپارتامەنتٸمەن "توسقاۋىل" جەدەل-جوسپارى ەنگٸزٸلدٸ جەنە ٶڭٸردٸڭ بارلىق جەكە قۇرامىنا باعدار بەرٸلدٸ.
نەتيجەسٸندە پوليتسييا قىزمەتكەرلەرٸمەن كٷدٸكتٸ ۇستالىپ, ۋاقىتشا ۇستاۋ يزولياتورىنا قاماۋعا الىندى. قىلمىس قۇرالى تەركٸلەنٸپ, قىلمىستىق ٸس ماتەريالدارىنا تٸركەلدٸ" - دەلٸنگەن حابارلامادا.
تەرگەۋ جالعاسىپ جاتىر, ونىڭ نەتيجەسٸ بويىنشا قوسىمشا اقپارات بەرٸلەدٸ.
