باتىس قازاقستان وبلىسىنىڭ ەكٸمٸ عالي ەسقاليەۆ ٶڭٸردە قاڭعىباس يتتەردٸڭ مەسەلەسٸ ٶتكٸر ەكەنٸن مەلٸم ەتتٸ, دەپ حابارلايدى قازاقپارات.
«ٶڭٸردە قاڭعىباس يتتەر مەسەلەسٸ ٶتكٸر تۇر. قاڭعىباس يتتەردٸ اۋلاۋ, چيپ تاعۋ جەنە ستەريلدەۋگە قاتىستى ۆەتەرەنارلىق قىزمەتتٸ مەملەكەتتٸك-جەكەشەلٸك ەرٸپتەستٸك قۇزىرەتٸنە بەرگەنبٸز. بۇل باعىتتاعى جۇمىس 2 جىل بويى قارقىندى جٷرٸپ كەلەدٸ. قاڭعىباس يتتەر تۇرعىنداردىڭ ٶمٸرٸنە قاۋٸپ تٶندٸرسە «109» قىزمەتٸنە حابارلاسىپ, ايتا الادى. ورتالىققا كەلٸپ تٷسكەن شاعىمدارعا قاتىستى شۇعىل شەشٸم قابىلدانادى. توپ بولىپ جٷرەتٸن يتتەردٸ اۋلاپ, ادام ٶمٸرٸنە قاۋٸپ تٶندٸرگەن جاعدايدا كٶزٸن جويۋ شاراسى قولدانىلادى», - دەدٸ عالي ەسقاليەۆ ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
ايماق باسشىسىنىڭ مەلٸمەتٸنشە, اۋلانعان بۇرالقى يتتەردٸڭ 20-25 پايىزىنىڭ كٶزٸ جويىلادى. قالعانىن ەمدەپ, ستەريلدەپ, چيپ تاعىپ, قايتا بوساتادى.
«قاڭعىباس يتتەردٸ اۋلاۋ مەسەلەسٸ قالالىق مەسليحاتتا قارالىپ, قوسىمشا قارجى بٶلٸنەدٸ. ٶيتكەنٸ, تۇرعىنداردان كەلٸپ تٷسەتٸن شاعىم سانى ارتىپ وتىر. بٸزدٸڭ ٶڭٸردە قاڭعىباس يتتەرمەن كٷرەسۋدە ٷلگٸ تۇتاتىنداي اۋداندار دا بار. ول جەردە يتتەردٸ ارنايى ورىندا ۇستاپ, كٷتٸپ-باپتايدى. يتتەردٸ اۋلاپ, ولارعا ۆەتەرينارلىق قىزمەت كٶرسەتۋ بويىنشا 3 جىلعا ارنالعان بايقاۋ ٶتتٸ. جوبانىڭ قۇنى 61 ملن تەڭگەنٸ قۇرايدى. قوسىمشا تاعى 8 ملن تەڭگە بٶلٸنەتٸن بولادى», - دەيدٸ ول.
