"بۋزگۋل اۋرۋم" جشس قۇرىلتايشىسى باقىتجان كەنجەباەۆ قۇندى قاعازداردى ورنالاستىرۋدان تٷسكەن جەنە كومپانييانىڭ دەپوزيت ەسەپشوتىندا جاتقان بەس ميلليارد تەڭگە سوماسىنداعى قاراجاتتى ٶز ماقساتىنا جاراتقان. بۇل تۋرالى kaz.tengrinews.kz رەداكتسيياسىنىڭ رەسمي ساۋالىنا بەرگەن جاۋابىندا ۇقك ٶكٸلدەرٸ ايتىپ وتىر.
قازٸرگٸ ۋاقىتتا قۇقىق قورعاۋ ورگاندارىنىڭ بجزق مەن "بۋزگۋل اۋرۋم" جشس-نىڭ اراسىنداعى كەلٸسٸمدٸ تەرگەپ جاتقانى بەلگٸلٸ. ونىڭ اياسىندا بٸرىڭعاي جيناقتاۋشى زەينەتاقى قورى التىن قازۋ كومپانيياسىنان جىلدىق مٶلشەرٸ 19 پايىز بولاتىن قۇندى قاعازداردى ٶز ەسەبٸنەن ساتىپ العان. بۇل كەلٸسٸمگە ۇلتتىق بانك باسشىلىعى كٷدٸكپەن قاراعان, نەتيجەسٸندە قارجى رەتتەۋشٸسٸنٸڭ ٶكٸلدەرٸ قۇقىق قورعاۋ ورگاندارىنا ارىز تٷسٸرگەن. بجزق ٶكٸلدەرٸ بولسا بٸرٸنشٸ كەزەكتە زەينەتاقى اكتيۆتەرٸنٸڭ ينۆەستيتسييالىق پورتفەلٸندە "بۋزگۋل اۋرۋم" جشس-نىڭ قۇندى قاعازدارى جوق ەكەنٸن ايتىپ, تٷسٸندٸردٸ.
"قولدا بار مەلٸمەت بويىنشا, بۇل كەلٸسٸم "بجزق" اق باسقارما تٶراعاسى رۋسلان ەردەناەۆتىڭ ىقپالىمەن جاسالعانعا ۇقسايدى, ول "بجزق" اق ينۆەستيتسييالىق كوميتەتٸنٸڭ جەتەكشٸسٸ بولا وتىرىپ, قوردىڭ "بۋزگۋل اۋرۋم" جشس قۇندى قاعازدارىن ساتىپ الۋى ٷشٸن وسى مەسەلەنٸ جىلدامداتىپ شەشۋ ماقساتىندا قولاستىنداعىلارعا ىقپال ەتكەن. ال قارجى قاتەرلەرٸ باسقارماسىنىڭ باسشىسى مۇسا باحتوۆ وسى كەلٸسٸم بويىنشا قايتالاما قورىتىندى تولتىرىپ, وندا "بۋزگۋل اۋرۋم" جشس قۇندى قاعازدارىن ساتىپ الۋدا قاتەر جوق دەپ كٶرسەتكەن. ٶز كەزەگٸندە "بۋزگۋل اۋرۋم" جشس ديرەكتورى ازات نايزاعارين وسى جشس-دان قور بيرجاسىنا جەنە "بجزق" اق-عا قۇندى قاعازداردى ورنالاستىرۋ پروتسەسٸندە بٸرقاتار جالعان قۇجاتتارعا قول قويىپ ٶتكٸزگەن", - دەپ پٸكٸر بٸلدٸردٸ ۇقك ٶكٸلدەرٸ.
ۆەدومستۆوداعىلاردىڭ ايتۋىنشا, "بجزق" اق مەن "بۋزگۋل اۋرۋم" جشس اراسىنداعى وسىنداي كەلٸسٸم جاساۋ ارقىلى 100 پايىزعا مەملەكەتتٸك مەكەمە بولىپ سانالاتىن قوردان 5 ميلليارد تەڭگە سوماسىندا قاراجات جىمقىرىلعان.
ەسكە سالايىق, 2016 جىلدىڭ 21 جەلتوقسانىنان باستاپ قر ۇلتتىق بانكٸنٸڭ قاتىسۋىمەن "بٸرىڭعاي جيناقتاۋشى زەينەتاقى قورى" اكتسيونەرلٸك قوعامىنىڭ قىزمەتٸنە تەكسەرٸس جٷرگٸزٸلگەن بولاتىن. سول كەزدە تەكسەرٸستٸڭ بجزق اكتسيونەرلٸك قوعامىنىڭ مەنشٸكتٸ اكتيۆتەردٸ ينۆەستيتسييالاۋعا قاتىستى جاسالعان وپەراتسييالارى بويىنشا جٷزەگە اسىرىلىپ جاتقانى ايتىلعان ەدٸ. "بجزق" اق-تىڭ مەنشٸكتٸ اكتيۆتەرٸ ونىڭ كاپيتالى جەنە شارۋاشىلىق قىزمەتٸنٸڭ نەتيجەلەرٸ ەسەبٸنەن قالىپتاستىرىلادى ەكەن. "بجزق" اق مەنشٸكتٸ اكتيۆتەردٸ دەربەس باسقارادى", - دەگەن ەدٸ بانكتەگٸلەر.
ال 9 قاڭتاردا بجزق باسشىلىعى قاماۋعا الىنعان بولاتىن."ولار جاڭا جىلدىڭ الدىندا قاماۋعا الىنعان. اتى-جٶندەرٸن بٸلمەيمٸن, بٸز ولاردى اتامادىق. جەتەكشٸ مەن ورىنباسارلارىنىڭ بٸرٸ قاماۋعا الىنعان", - دەگەن ەدٸ قر ۇلتتىق بانكٸنٸڭ قارجى قىزمەتتەرٸ تۇتىنۋشىلارىنىڭ قۇقىعىن قورعاۋ دەپارتامەنتٸنٸڭ ديرەكتورى الەكساندر تەرەنتەۆ.
سونداي-اق, بٷگٸن بجزق ٸسٸ بويىنشا قاماۋعا الىنعانداردىڭ تٸزٸمٸ جارييالانعان بولدى. كەيٸنٸرەك بجزق باسقارما تٶراعاسىنىڭ ادۆوكاتى ٸستٸڭ مەن-جايىن ايتىپ بەرگەن ەدٸ.
